Эльбрусоид :: Эльбрусоид

Окъуусуз билим – джокъ, билимсиз кюнюнг – джокъ.
Экеулен сёлеше тура эселе, орталарына барыб кирме.
Ёксюзню тилеги къабыл болур.
Тели турса – той бузар.
Уллу суу бла уллу ауруудан башынгы сакъла.
Мухардан ач ычхынмаз.
Нафысынгы айтханын этме, намысынгы айтханын эт.
Тулпарлыкъ, билекден тюл – джюрекден.
Къая джолда джортма, ачыкъ сёзден къоркъма.
Таукелге нюр джауар.
Сескекли кесин билдирир.
Акъыллы – эл иеси, тели – эл баласы.
Байлыкъдан саулукъ ашхыды.
Джюрек кёзден алгъа кёрюр.
Къарт бла баш аша, джаш бла аякъ аша.
Ач къалгъандан, кеч къалгъан къолай.
Къатын байлыкъны сюер, эр саулукъну сюер.
Билимден уллу байлыкъ джокъду.
Уясында не кёрсе, учханында аны этер.
Биреуге аманлыкъны тилеме да, кесинге ашхылыкъны тиле.
Аууздан келген, къолдан келсе, ким да патчах болур эди.
Бичгенде ашыкъма, тикгенде ашыкъ.
Билген билмегенни юретген адетди.
Джашны джигитлиги сорулур, къызны джигерлиги сорулур.
Тил джюрекге джол ишлейди.
Босагъа таш юйге кирмей эди, тыбыр таш эшикге чыкъмай эди.
Ёзденликни кёбю ётюрюк.
Ач – эснер, ат – кишнер.
Окъугъан озар, окъумагъан тозар.
Суу да къайтады чыкъгъан джерине.
Башы ишлегенни, ауузу да ишлер.
Тюзню ётмеги тюзде къалса да, тас болмаз.
Биреуню къыйынлыгъы бла кесинге джол ишлеме.
Эки ойлашыб, бир сёлешген.
Босагъагъа джууукъ орун болса, ашыгъыб тёрге озма.
Тойгъан джерге джети къайт.
Хантына кёре тузу, юйюне кёре къызы.
Кёб ант этген, кёб ётюрюк айтыр.
Джаным-тиним – окъуу, билим.
Эртде тургъан бла эртде юйленнген сокъуранмаз.
Асхат ашлыкъ сата, юйдегиси ачдан къата.
Юй кюйдю да, кюйюз чыкъды, ортасындан тюйюш чыкъды.
Башсыз урчукъ тюзюне айланмаз.
Тойгъандан сора, ашны сёкме.
Айыбны суу бла джууалмазса.
Нарт сёз – тилни бети.
Гугук кесини атын айтыб къычыргъанча, мен, мен деб нек тураса?
Тёрдеги кюлсе, эшикдеги ышарыр.
Иги – алгъыш этер, аман – къаргъыш этер.
Илму – джашауну джолу.