Эльбрусоид :: Эльбрусоид

Дженгил джетерикме деб, узун джолну къоюб, къысхасын барма.
Ёнгкюч къууана барыр, джылай келир.
Къарнынг тойгъунчу аша да, белинг талгъынчы ишле.
Чакъырылмагъан къонакъ къачан кетерин сормаз.
Киштикге къанат битсе, чыпчыкъ къалмаз эди.
Намысы джокъну – дуниясы джокъ.
Намысы болмагъанны, сыйы болмаз.
Джылыгъа джылан илешир.
Джахил болса анасы, не билликди баласы?
Джашлыкъ этмеген, башлыкъ этмез.
Эркишиге тары кебек танг кёрюнюр.
Кёзюнде тереги болгъан, чёбю болгъаннга кюле эди.
Садакъачыны джаны – къапчыгъында.
Сибиртки да сыйлы болду, кюрек да кюнлю болду.
Ишлерге уял да, ашаргъа табма.
Къарын къуру болса, джюрек уру болур.
Нарт сёз – тилни бети.
Алма терегинден кери кетмез.
Билмейме деген – бир сёз
Рысхы джалгъанды: келген да этер, кетген да этер.
Ашарыкъда сайлагъаннга – чий гырджын.
Кюн кёрмеген, кюн кёрсе, кюндюз чыракъ джандырыр.
Тура эдим джата, къайдан чыкъды хата?
Къуллукъчума, деб махтанма, къуллукъ – хаух джамчыды!
Рысхысына кёре, джаш ёсер, къышлыгъына кёре, мал ёсер.
Гыдай эчки суугъа къараб, мюйюзле кёрмесе, джашма алкъын, дегенди.
Адамны аты башхача, акъылы да башхады.
Таякъ этден ётер, тил сюекден ётер.
Къонагъы джокъну – шоху джокъ.
Къонакъ аз олтурур, кёб сынар.
Керилген да, ургъан кибикди.
Къыйынлы джети элни къайгъысын этер.
Ишни ахырын ойламай, аллын башлама.
Сёлеш деб шай берген, тохта деб, сом берген.
Ашхы адам – халкъ байлыгъы, ашхы джер – джашау байлыгъы.
Тюзлюк тас болмайды.
Акъыллы башны – тили къысха.
Тёрде – темир таякълы, къаяда – чыпчыкъ аякълы.
Эртде тургъан джылкъычыны эркек аты тай табар.
Уруну арты – къуру.
Джашны джигитлиги сорулур, къызны джигерлиги сорулур.
Джарашыу сюйген – джалынчакъ.
Тюкюрюк баш джармаз, налат кёз чыгъармаз!
Къонакъ хазыр болгъанлыкъгъа, къонакъбай хазыр тюлдю.
Окъуусуз билим – джокъ, билимсиз кюнюнг – джокъ.
Джигер – джаннга къыйынлыкъ.
Малны кют, джерни тюрт.
Уясында не кёрсе, учханында аны этер.
Экеулен сёлеше тура эселе, орталарына барыб кирме.
Арыгъан къош чамчы болур.