- Тик ёргени, тик энгишгеси да болады.
- Биреуге аманлыкъны тилеме да, кесинге ашхылыкъны тиле.
- Аш хазыр болса, иш харам болур.
- Магъанасыз сёз – тауушсуз сыбызгъы.
- Тойгъандан сора, ашны сёкме.
- Баргъанынга кёре болур келгенинг.
- Кёбден умут этиб, аздан къуру къалма.
- Гугурук къычырмаса да, тангны атары къалмаз.
- Мен да «сен», дейме, сен да «кесим», дейсе.
- Накъырданы арты керти болур.
- Махтаннган къыз, тойда джукълар.
- Уллу суу бла уллу ауруудан башынгы сакъла.
- Кёзю сокъурдан – къоркъма, кёлю сокъурдан – къоркъ.
- Малны кют, джерни тюрт.
- Мени джылытмагъан кюн, меннге тиймесин!
- Акъыл сабырлыкъ берир.
- Джыйырма къойну юч джыйырма эбзе кюте эди.
- Юреннген ауруу къалмаз.
- Керек ташны ауурлугъу джокъ.
- Ёлмесенг да, къарт дамы болмазса?
- Билмегенинги, билгеннге сор.
- Мал тутхан – май джалар.
- Иши джокъну, сыйы джокъ.
- Адеб джокъда, намыс джокъ.
- Насыблы элин сюер, насыбсыз кесин сюер.
- Тели турса – той бузар.
- Джарашыу сюйген – джалынчакъ.
- Сёлеш деб шай берген, тохта деб, сом берген.
- Джумушакъ терекни къурт ашар.
- Ёзденликни джайгъан – джокълукъ.
- Суугъа – таянма, джаугъа – ийнанма.
- Иги сёз – джаннга азыкъ, аман сёз башха – къазыкъ.
- Мал кёб болса, джууукъ кёб болур.
- Джангыз торгъай джырламаз.
- Бозаны арты дауур болур.
- Эл элде бирер малынг болгъандан эсе, бирер тенгинг болсун.
- Aдам боллукъ, сыфатындан белгили.
- Адамны аманы адамны бети бла ойнар.
- Аз айтсам, кёб ангылагъыз.
- Миллетни бойну – базыкъ, аны бла кюрешген – джазыкъ.
- Тюз сёз баргъан сууну тыяр.
- Тамырсыз терекге таянма – джыгъылырса.
- Аллахха ийнаннган кишини, Аллах онгдурур ишин.
- Тилчи бир сагъатха айлыкъ хата этер.
- Ашда – бёрю, ишде – ёлю.
- Къызны минг тилер, бир алыр.
- Аз сёлешген, къайгъысыз турур.
- Эри аманны, къатыны – аман.
- Дженгил джетерикме деб, узун джолну къоюб, къысхасын барма.
- Асхат ашлыкъ сата, юйдегиси ачдан къата.
Че
10.06.2013