- Чакъырылгъанны аты, чакъырылмагъанны багъасы болур.
- Сакъламагъан затынга джолукъсанг, не бек къууанаса, не бек ачыйса.
- Экеулен сёлеше тура эселе, орталарына барыб кирме.
- Окъуусуз билим – джокъ, билимсиз кюнюнг – джокъ.
- Тамырсыз терекге таянма – джыгъылырса.
- Джукъу тёшек сайламайды.
- Ашхы тенг джолгъа салыр, аман тенг джолдан тайдырыр.
- Чёбню кёлтюрсенг, тюбюнден сёз чыгъар.
- Ариу джол аджал келтирмез.
- Соргъан айыб тюлдю, билмеген айыбды.
- Ёлген эшек бёрюден къоркъмайды.
- Ётюрюкчюню шагъаты – къатында.
- Джылыгъа джылан илешир.
- Ач уят къоймаз.
- Къонакъ хазыр болгъанлыкъгъа, къонакъбай хазыр тюлдю.
- Чакъырылмагъан къонакъ – орунсуз.
- Тюзлюк тас болмайды.
- Нарт сёз къарт болмаз.
- Тилде сюек болмаса да, сюек сындырыр.
- Сормай – алма, чакъырылмай – барма.
- Атынг аманнга чыкъгъандан эсе, джанынг тамагъынгдан чыкъсын.
- Арпа, будай – ащды, алтын, кюмюш а – ташды.
- Кийим тукъум сордурур.
- Байдан умут эте, джарлыдан ёгюз багъасы къорады.
- Босагъагъа джууукъ орун болса, ашыгъыб тёрге озма.
- Тилсиз миллет джокъ болур.
- Ачлыкъ отха секиртир.
- Телиге акъыл салгъандан эсе, ёлгеннге джан салырса.
- Ариу сёз джыланны орнундан чыгъарыр.
- Таукелге нюр джауар.
- Ариу сёз – джаннга азыкъ, аман сёз – башха къазыкъ.
- Игиге айтсанг – билир, аманнга айтсанг – кюлюр.
- Биреуню эскиси биреуге джангы болмайды.
- Таш ата билмеген, башына урур.
- Билген билмегенни юретген адетди.
- Билмезни кёзю кёрмез, этмезни къулагъы эшитмез.
- Кёл ашады да, кеси ашады.
- Душманны тышы – акъ, ичи – къара.
- Джарлыны тону джаз битер.
- Мал кёб болса, джууукъ кёб болур.
- Ёлмесенг да, къарт дамы болмазса?
- Билимсиз иш бармаз.
- Мураты болгъанны джюрек тебюую башхады.
- Ариу сёзде ауруу джокъ.
- Эртде тургъан джылкъычыны эркек аты тай табар.
- Ата – билек, ана – джюрек!
- Ичимден чыкъды хата, къайры барайым сата?
- Зарда марда джокъ.
- Ашлыкъны арба юйге келтирир, чана базаргъа элтир.
- Тик ёргени, тик энгишгеси да болады.
Че
10.06.2013