Эльбрусоид :: Эльбрусоид

Адеб джокъда, намыс джокъ.
Аурууну келиую тынч, кетиую – къыйын.
Эки къатын алгъан – эки ташны ортасына башын салгъан.
Ашына кёре табагъы, балына кёре къалагъы.
Тойгъан антын унутур.
Иги бла джюрюсенг, джетерсе муратынга, аман бла джюрюсенг, къалырса уятха.
Алим болгъандан эсе, адам болгъан къыйынды.
Суу кетер, таш къалыр.
Сёз – кюмюш, джыр – алтын.
Башланнган иш битер, къымылдагъан тиш тюшер.
Эл элде бирер малынг болгъандан эсе, бирер тенгинг болсун.
Нёгер болсанг, тенг бол, тенг болмасанг, кенг бол.
Ач уят къоймаз.
Тура эдим джата, къайдан чыкъды хата?
Мал ёлсе, сюек къалыр, адам ёлсе, иши къалыр.
Ариу сёз джыланны орнундан чыгъарыр.
Азыкъ аз болса, эртде орун сал.
Ата Джуртча джер болмаз, туугъан элча эл болмаз.
Келгинчи, къонакъ уялыр, келгенден сора, къонакъбай уялыр.
Ач къарынны, токъ билмез
Айтылгъан буйрукъ, сёгюлмез
Эл ауузу – элия.
Ичимден чыкъды хата, къайры барайым сата?
Кимни – тили, тиши онглу, кимни – къолу, иши онглу.
Шекер бла туз – бир болмаз, ушамагъан – юй болмаз.
Джарлы джети элни сёзюн этер.
Ойнай-ойнай кёз чыгъар.
Ашлыкъ – бюртюкден, джюн – тюкден.
Алгъанда – джууукъ, бергенде – джау.
Шайтан алдады, тюзлюк къаргъады.
Халкъны джырын джырласанг, халкъ санга эжиу этер.
Бермеген къол, алмайды.
Адам боллукъ, атламындан белгили болур.
Накъырда – кертини келечиси.
Джумушакъ сёз къаты таякъны сындырыр.
Рысхысына кёре, джаш ёсер, къышлыгъына кёре, мал ёсер.
Кёзю сокъурдан – къоркъма, кёлю сокъурдан – къоркъ.
Нафысынгы айтханын этме, намысынгы айтханын эт.
Магъанасыз сёз – тауушсуз сыбызгъы.
Акъыллы айтыр эди, акъылсыз къоймайды.
Тешигини къатында, чычхан да батыр болур.
Этек чакъмакълары баш джаргъан, сёлешген сёзлери таш джаргъан.
Тойну къарнашы – харс, джырны къарнашы – эжиу.
Аманнга да, игиге да оноусуз къатышма.
Джолунга кёре – джюрюшюнг, джагъанга кёре – юлюшюнг.
Ашарыкъда сайлагъаннга – чий гырджын.
От этилмеген джерден тютюн чыкъмайды.
Башынга джетмегенни сорма.
Акъыллы башны – тили къысха.
Джаралыны джастыгъында сау ёлюр.