Эльбрусоид :: Эльбрусоид

Джаш къарыу бла кючлю, къарт акъыл бла кючлю.
Окъуу – билимни ачхычы, окъуу – дунияны бачхычы.
Чабар ат – джетген къыз.
Ашха уста, юйюнде болсун
Ариуну – ауруу кёб.
Тёзген – тёш ашар!
Аманнга игилик этсенг, юйюнге сау бармазса.
Ишленмеген джаш – джюгенсиз ат, ишленмеген къыз – тузсуз хант.
Айранын берсенг, челегин да къызгъанма.
Юйлю уругъа ит чабмаз.
Бойнуму джети джерден кессенг да, мен ол ишни этеллик тюлме.
Ёнгкюч къууана барыр, джылай келир.
Эшекни не къадар тюйсенг да, ат болмаз.
Тас болгъан бычакъны сабы – алтын.
Бал – татлы, балдан да бала – татлы.
Игиге айтсанг – билир, аманнга айтсанг – кюлюр.
Рысхы – сют юсюнде кёмюк кибикди.
Чакъырылмай келген къонакъ сыйланмай кетер.
Харам къарнашдан, халал тенг ашхы.
Адамны сыфатына къарама, сёзюне къара.
Мураты болгъанны джюрек тебюую башхады.
Адамгъа аман кюн соруб келмейди.
Эркишиге тары кебек танг кёрюнюр.
Байлыкъ болгъан джерде, тынчлыкъ джокъду.
Иги джашны ышаны – аз сёлешиб, кёб тынгылар.
Ушамагъан – джукъмаз.
Къызны минг тилер, бир алыр.
Айтхан сёзюне табылгъан.
Тюзню ётмеги тюзде къалса да, тас болмаз.
Окъугъан – асыу, окъумагъан – джарсыу.
Ишни аллы бла къууанма да, арты бла къууан.
Айран ичген – къутулду, джугъусун джалагъан – тутулду.
Адебсиз адам – джюгенсиз ат.
Аш хазыр болса, иш харам болур.
Къуру гыбыт бек дыгъырдар.
Тулпарлыкъ, билекден тюл – джюрекден.
Ариу сёз – джаннга азыкъ, аман сёз – башха къазыкъ.
Джаным-тиним – окъуу, билим.
Джумушакъ терекни къурт ашар.
Кийиминг бла танылма, адамлыкъ бла таныл.
Азыкъ аз болса, эртде орун сал.
Эки къатын алгъан – эки ташны ортасына башын салгъан.
Джеринден айырылгъан – джети джылар, джуртундан айырылгъан – ёлгюнчю джылар.
Сабийни джумушха джибер да, ызындан бар.
Баш болса, бёрк табылыр.
Аман адам элни бир-бирине джау этер.
Билим – акъылны чырагъы.
Огъурлуну сёзю – суу, огъурсузну сёзю – уу.
Тенги кёбню джау алмаз, акъылы кёбню дау алмаз.
Билим ат болуб да чабар, къуш болуб да учар.