- Атлыны кёрсе, джаяуну буту талыр.
- Зар адам ашынгы ашар, кесинги сатар.
- Аз айтсам, кёб ангылагъыз.
- Ауурну тюбю бла, дженгилни башы бла джюрюген.
- Ойнай билмеген, уруб къачар.
- Бети къызарыучу адамны, джюреги харам болмаз.
- Кесинг сынамагъан затны, адамгъа буюрма.
- Магъанасыз сёз – тауушсуз сыбызгъы.
- Тёзген – тёш ашар!
- Сабий кёргенин унутмаз.
- Болджал ишни бёрю ашар.
- Хар ишни да аллы къыйынды.
- Къартны сыйын кёрмеген, къартлыгъында сыйлы болмаз.
- Хар сёзню орну барды.
- Аш хазыр болса, иш харам болур.
- Илму – джашауну джолу.
- Ат да турмайды бир териде.
- Кийим тукъум сордурур.
- Чоюнну башы ачыкъ болса, итге уят керекди.
- Тилчи тилден къаныкъмаз.
- Баш – акъыл ючюн, акъылман – халкъ ючюн.
- Суу ичген шауданынга тюкюрме.
- Бек ашыкъгъан меннге джетсин, дегенди аракъы.
- Къалгъан ишге къар джауар.
- Тойгъа алгъа да барма, тойда артха да къалма.
- Тыш элде солтан болгъандан эсе, кесинги элде олтан болгъан игиди!
- Ишни аллы бла къууанма да, арты бла къууан.
- Таш ата билмеген, башына урур.
- Аманнга алтын чыдамаз.
- Кесинге джетмегенни, кёб сёлешме.
- Окъуу – билимни ачхычы, окъуу – дунияны бачхычы.
- Аз сёлеш, кёб ишле.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чомарт къолда мал къалмаз.
- Ата Джуртун танымагъан, атасын да танымаз.
- Джашны джигитлиги сорулур, къызны джигерлиги сорулур.
- Къонакъ хазыр болгъанлыкъгъа, къонакъбай хазыр тюлдю.
- Къолунгдан къуймакъ ашатсанг да, атаны борчундан къутулмазса.
- Тюзлюк шохлукъну бегитир.
- Дуния аламаты сен эсенг да, игиме деб айтма.
- Бети – къучакълар, джюреги – бычакълар.
- Тойгъандан сора, ашны сёкме.
- Ётюрюк хапар аякъ тюбю бла джюрюйдю.
- Окъдан джара эртде-кеч болса да бителир, сёз джара, ёмюрге къалыр.
- Джолунга кёре – джюрюшюнг, джагъанга кёре – юлюшюнг.
- Харам къарнашдан, халал тенг ашхы.
- Джукъу тёшек сайламайды.
- Билимден уллу байлыкъ джокъду.
- Акъыл неден да кючлюдю.
- Ариу джол аджал келтирмез.
Че
10.06.2013