- Билим насыб берир, билим джолну керир.
- Юйюнг бла джау болгъандан эсе, элинг бла джау бол.
- Игилик игилик бла сингдирилиучю затды.
- Къайгъыны сюйген, къайгъы табар.
- Кюлме джашха – келир башха.
- Джашынгы кесинг юретмесенг, джашау юретир.
- Джырына кёре эжиую.
- Ач отунчуну ачыуу – бурнунда.
- Таукел адам тау тешер.
- Джюрекден джюрекге джол барды.
- Биреуге аманлыкъ этиб, кесинге игилик табмазса.
- Эшекге миннген – биринчи айыб, андан джыгъылгъан – экинчи айыб.
- Ашлыкъ – бюртюкден, джюн – тюкден.
- Бетинги сатма, малынгы сат.
- Таукел тауну аудурур.
- Кёб джашагъан – кёб билир.
- Акъылсызны джууукъгъа алма, акъыллыны кенгнге салма.
- Тойгъан джерге джети къайт.
- Эл элде бирер малынг болгъандан эсе, бирер тенгинг болсун.
- Башы джабылгъан челекге, кир тюшмез.
- Рысхысына кёре, джаш ёсер, къышлыгъына кёре, мал ёсер.
- Аманнга игилик этсенг, юйюнге сау бармазса.
- Байдан умут эте, джарлыдан ёгюз багъасы къорады.
- Ана кёлю – балада, бала кёлю – талада.
- Тау башында, тау болмаз, джангыз терек, бау болмаз.
- Ёлген эшек бёрюден къоркъмайды.
- Эрине къаргъыш этген къатын, эрнин къабар.
- Бек анасы джыламаз.
- Къыз чыгъаргъан – къызыл къымжа.
- Къазанны башы ачыкъ болса, итге уят керекди.
- Къууут – джелге, берне – бошха.
- Тенги кёбню джау алмаз, акъылы кёбню дау алмаз.
- Кюн – узун, ёмюр – къысха.
- Аш берме да, къаш бер.
- Окъдан джара эртде-кеч болса да бителир, сёз джара, ёмюрге къалыр.
- Ашхылыкъ джерде джатмайды, аманлыкъ суугъа батмайды.
- Ауузу бла къуш тута айланады.
- Мен да «сен», дейме, сен да «кесим», дейсе.
- Тилчи тилден къаныкъмаз.
- Иги сёз – джаннга азыкъ, аман сёз башха – къазыкъ.
- Джарлы эскисин джамаса, къууаныр.
- Аман адам этегингден тутса, кес да къач.
- Къолу уллу – асыу, аягъы уллу – джарсыу.
- Нарт сёз къарт болмаз.
- Суу ичген шауданынга тюкюрме.
- Окъуусуз билим – джокъ, билимсиз кюнюнг – джокъ.
- Халкъны юйю – туугъан джери.
- Кёзюнде тереги болгъан, чёбю болгъаннга кюле эди.
- Ётген ёмюр – акъгъан суу.
- Келлик заман – къартлыкъ келтирир, кетген заман – джашлыкъ ёлтюрюр.
Че
10.06.2013