Эльбрусоид :: Эльбрусоид

Юйюнгден чыкъдынг – кюнюнгден чыкъдынг.
Къарнынг тойгъунчу аша да, белинг талгъынчы ишле.
Адамны аманы адамны бети бла ойнар.
Элни кючю – эмеген.
Джаз бир кюнню джатсанг, къыш талай кюнню абынырса.
Ариу сёзде ауруу джокъ.
Уллу сёзде уят джокъ.
Халкъны джырын джырласанг, халкъ санга эжиу этер.
Хаухну атма, ёнгкючню сатма.
Эшекге миннген – биринчи айыб, андан джыгъылгъан – экинчи айыб.
Къонагъы джокъну – шоху джокъ.
Эркишини аманы тиширыуну джылатыр.
Ойнай билмеген, оюн бузар.
Биреуню тёрюнден, кесинги эшик артынг игиди.
Эшекни не къадар тюйсенг да, ат болмаз.
Ашхы болсанг, атынг чыгъар, аман болсанг, джанынг чыгъар.
Хата – гитчеден.
Сёз – кюмюш, джыр – алтын.
Бетинги сатма, малынгы сат.
Кёзю сокъурдан – къоркъма, кёлю сокъурдан – къоркъ.
Тамырсыз терекге таянма – джыгъылырса.
Аман киши кеси юйюнде – къонакъ.
Эринчекни эр алмаз, эр алса да, кёл салмаз, кёл салса да, кёб бармаз!
Ата Джуртун танымагъан, атасын да танымаз.
Эрине къаргъыш этген къатын, эрнин къабар.
Ушамагъан – джукъмаз.
Атлыны кёрсе, джаяуну буту талыр.
Башы ишлегенни, ауузу да ишлер.
Биреуню къыйынлыгъы бла кесинге джол ишлеме.
Бал ашаргъа сюе эсенг, чибин ургъаннга тёз.
Таякъ этден ётер, тил сюекден ётер.
Къонакъ аз олтурур, кёб сынар.
Къобан да къуру да къобханлай турмайды, адам да къуру да патчахлай турмайды.
Джаханимни кёрмей, джандетге кёл салмазса.
Ач къалгъандан, кеч къалгъан къолай.
Ишлемеген – тишлемез.
Ойнай-ойнай кёз чыгъар.
Адамны артындан къара сабан сюрме.
Къызгъанчдан ычхыныр, мухардан ычхынмаз.
Къайгъыны сюйген, къайгъы табар.
Джангыз терек къынгыр ёсер.
Аш хазыр болса, иш харам болур.
Эртде тургъан бла эртде юйленнген сокъуранмаз.
Къыйынлы джети элге оноу этер.
Аш иеси бла татлыды.
Сакъламагъан затынга джолукъсанг, не бек къууанаса, не бек ачыйса.
Дуния аламаты сен эсенг да, игиме деб айтма.
Тойгъанлыкъ къойгъа джарашады.
Тау башында, тау болмаз, джангыз терек, бау болмаз.
Аман адамны тепсинге олтуртсанг, къызынгы тилер.