Эльбрусоид :: Эльбрусоид

Кийиминг бла танылма, адамлыкъ бла таныл.
Асхат ашлыкъ сата, юйдегиси ачдан къата.
Бир онгсуз адам адет чыгъарды, деб эштирик тюлсе.
Кесинг сынамагъан затны, адамгъа буюрма.
Аджаллыгъа окъсуз шкок атылыр.
Юйлю уругъа ит чабмаз.
Абынмазлыкъ аякъ джокъ, джангылмазлыкъ джаякъ джокъ.
Джан саулукъ бермей, сан саулукъ бермезсе.
Гыдай эчки суугъа къараб, мюйюзле кёрмесе, джашма алкъын, дегенди.
Тешигини къатында, чычхан да батыр болур.
Джеринден айырылгъан – джети джылар, джуртундан айырылгъан – ёлгюнчю джылар.
Таш ата билмеген, башына урур.
Башда акъыл болмаса, эки аякъгъа кюч джетер.
Зар адам ашынгы ашар, кесинги сатар.
Кёзюнде тереги болгъан, чёбю болгъаннга кюле эди.
Байлыкъ адамны сокъур этер.
Аман адам этегингден тутса, кес да къач.
Тенги кёбню джау алмаз, акъылы кёбню дау алмаз.
Кёл – къызбай, къол – батыр.
Келинин тута билмеген, къул этер, къызын тута билмеген, тул этер.
Джылкъыдан – ат чыгъар, тукъумдан – джаш чыгъар.
Эринчекге кюн узун.
Билим къая тешер.
Ёлген аслан – сау чычхан.
Алтыда кюлмеген, алтмышда кюлмез.
Ат басханны джер билед.
Кёрмегеннге кебек – танг, битмегеннге сакъал – танг.
Чомарт джарлы болмаз.
Ёлген ийнек сютлю болур.
Джаным-тиним – окъуу, билим.
Билим – акъылны чырагъы.
Иги адам абынса да, джангылмаз.
Тынгылагъан тынгы бузар.
Ашхы болсанг, атынг чыгъар, аман болсанг, джанынг чыгъар.
Ётюрюкден тюбю джокъ, кёлтюрюрге джиби джокъ.
Юреннген ауруу къалмаз.
Бети бедерден, намыс сакълама.
Гитче джилтин уллу элни джандырыр.
Акъыл бла адеб эгизледиле.
«Ёгюз, джаргъа джууукъ барма, меннге джюк боллукъса», - дегенди эшек.
Джырына кёре эжиую.
Бетинги сатма, малынгы сат.
Ана къойну – балагъа джандет.
Ёгюзню мюйюзлери ауурлукъ этмейдиле.
Игилик игилик бла сингдирилиучю затды.
Нёгер болсанг, тенг бол, тенг болмасанг, кенг бол.
Таукел адам тау тешер.
Биреуге кёлтюрген таягъынг, кесинги башынга урур.
Къызгъанчдан ычхыныр, мухардан ычхынмаз.
Босагъагъа джууукъ орун болса, ашыгъыб тёрге озма.