- Юйюнг бла джау болгъандан эсе, элинг бла джау бол.
- Къоркъакъны кёзю экили кёрюр.
- Къонакъ хазыр болгъанлыкъгъа, къонакъбай хазыр тюлдю.
- Биреу ашаб къутулур, биреу джалаб тутулур.
- Уллу сёлешме да, уллу къаб.
- Джарашыу сюйген – джалынчакъ.
- Айранын берсенг, челегин да къызгъанма.
- Эркиши – от, тиширыу – суу.
- Иги адамны бир сёзю эки болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сескекли кесин билдирир.
- Суу кетер, таш къалыр.
- Башсыз урчукъ тюзюне айланмаз.
- Кюлме джашха – келир башха.
- Бетинги сатма, малынгы сат.
- Аджашхан тёгерек айланыр.
- Къумурсхала джыйылсала, пилни да джыгъадыла.
- Кёлсюзден сёзсюз тууар.
- Иги болса, тамадама – махтау, аман болса, меннге – айыб.
- Ашлыкъны арба юйге келтирир, чана базаргъа элтир.
- Къозулугъунда тоймагъан, къойлугъунда тоймаз.
- Акъылсызны джууукъгъа алма, акъыллыны кенгнге салма.
- Экеулен сёлеше тура эселе, орталарына барыб кирме.
- Мураты болгъанны джюрек тебюую башхады.
- Халкъгъа джарагъан, джарлы къалмаз.
- Эртде тургъан джылкъычыны эркек аты тай табар.
- Келинни – келгинчи, бёркню кийгинчи кёр.
- Тюзлюк шохлукъну бегитир.
- Урунуу – насыбны анасы.
- Джырчы джырчыгъа – къарнаш.
- Керилген да, ургъан кибикди.
- Къарны аманнга къазан такъдырма, къолу аманнга от джакъдырма.
- Айран тёгюлсе, джугъусу къалыр.
- Юйлю уругъа ит чабмаз.
- Эл ауузу – элия.
- Тюзню ётмеги тюзде къалса да, тас болмаз.
- Арбаз къынгырды да, ийнек сауалмайма.
- Ишни аллы бла къууанма да, арты бла къууан.
- Хар адамгъа кеси миннген тау кибик.
- Джерни букъусу кёкге къонмаз.
- Чабакъсыз кёлге къармакъ салгъанлыкъгъа, чабакъ тутмазса.
- Джиби бир къат джетмей эди да, эки къат тарта эди.
- Хар ишни да аллы къыйынды.
- Уллу къашыкъ эрин джыртар.
- Ётюрюкню къуйругъу – бир тутум.
- Ата Джуртча джер болмаз, туугъан элча эл болмаз.
- Аджашханны ызындагъы кёреди, джангылгъанны джанындагъы биледи.
- Сабийликде юретмесенг, уллу болса – тюзелмез.
- Джыйырма къойну юч джыйырма эбзе кюте эди.
- Кюн – узун, ёмюр – къысха.
Че
10.06.2013