- Джюз элде джюз ёгюзюм болгъандан эсе, джюз джууугъум болсун.
- Юреннген ауруу къалмаз.
- Тойгъанлыкъ къойгъа джарашады.
- Кёбден умут этиб, аздан къуру къалма.
- Ачылгъан эт джабылыр, кёрген кёз унутмаз.
- Адам боллукъ, атламындан белгили болур.
- Джерни букъусу кёкге къонмаз.
- Харам къарнашдан, халал тенг ашхы.
- Джаханимни кёрмей, джандетге кёл салмазса.
- Кёлсюзден сёзсюз тууар.
- Ашхы – джыяр, аман – джояр.
- Бастасын ашагъан, хантусун да ичер.
- Арбаз къынгырды да, ийнек сауалмайма.
- Ишленмеклик адамлыкъды.
- Адамны аманы адамны бети бла ойнар.
- Къууут – джелге, берне – бошха.
- Кёзню ачылгъаны – иги, ауузну джабылгъаны – иги.
- Шайтан алдады, тюзлюк къаргъады.
- Адамны аты башхача, акъылы да башхады.
- Сёлеш деб шай берген, тохта деб, сом берген.
- Эшекни не къадар тюйсенг да, ат болмаз.
- Эте билген, этген этеди, эте билмеген, юретген этеди!
- Айтхан сёзюне табылгъан.
- Этек чакъмакълары баш джаргъан, сёлешген сёзлери таш джаргъан.
- Ышармагъан – кюлмез, кюлмеген – къууанчны билмез.
- Байлыкъ адамны сокъур этер.
- Ашхы болсанг, атынг чыгъар, аман болсанг, джанынг чыгъар.
- Ач къарным, тынч къулагъым.
- Адамгъа аман кюн соруб келмейди.
- Къонакъ хазыр болгъанлыкъгъа, къонакъбай хазыр тюлдю.
- Ичимден чыкъды хата, къайры барайым сата?
- Адеби болмагъан къыз – тузсуз хант.
- Тилде сюек болмаса да, сюек сындырыр.
- Окъугъан – асыу, окъумагъан – джарсыу.
- Рысхы – насыбха къор.
- Болджал ишни бёрю ашар.
- Джырчы джырчыгъа – къарнаш.
- Чакъырылмагъан къонакъ – орунсуз.
- Тамбла алтындан бюгюн багъыр ашхы.
- Ёлген ийнек сютлю болур.
- Къонакъ болсанг, ийнакъ бол.
- Этим кетсе да, сюегим къалыр.
- Кёб джашагъан – кёб билир.
- Атынг аманнга чыкъгъандан эсе, джанынг тамагъынгдан чыкъсын.
- Чомартха хар кюн да байрамды.
- Акъыллы эркиши атын махтар, акъылсыз эркиши къатынын махтар.
- Джигер – джаннга къыйынлыкъ.
- Къарнынг ауруса, ауузунгу тый
- Окъ къызбайны джокълайды.
- Намысы джокъну – дуниясы джокъ.
Че
10.06.2013