Эльбрусоид :: Эльбрусоид

Сагъыш – къартлыкъгъа сюйюмчю.
Халкъны джырын джырласанг, халкъ санга эжиу этер.
Къайтырыкъ эшигинги, къаты уруб чыкъма.
Чабар ат – джетген къыз.
Рысхы – насыбха къор.
Ёзденликни джайгъан – джокълукъ.
Сабыр джетер муратха, сабырсыз къалыр уятха.
Джол бла сёзню къыйыры джокъ.
Сабийни джумушха джибер да, ызындан бар.
Нарт сёз къарт болмаз.
Кенгеш болса, уруш болмаз.
Эркиши – от, тиширыу – суу.
Сормай – алма, чакъырылмай – барма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Уллу къазанда бишген эт, чий къалмаз.
Бичгенде ашыкъма, тикгенде ашыкъ.
«Ёгюз, джаргъа джууукъ барма, меннге джюк боллукъса», - дегенди эшек.
Айтылгъан буйрукъ, сёгюлмез
Къарнынг тойгъунчу аша да, белинг талгъынчы ишле.
Акъыллы айтыр эди, акъылсыз къоймайды.
Хар адамгъа кеси миннген тау кибик.
Ач къарным, тынч къулагъым.
Джан саулукъ бермей, сан саулукъ бермезсе.
Кёзню ачылгъаны – иги, ауузну джабылгъаны – иги.
Билмезни кёзю кёрмез, этмезни къулагъы эшитмез.
Игиге айтсанг – билир, аманнга айтсанг – кюлюр.
Къумурсхала джыйылсала, пилни да джыгъадыла.
Кёбню кёрген – кёб билир.
Къар – келтирди, суу – элтди.
Къуллукъчума, деб махтанма, къуллукъ – хаух джамчыды!
Эки итни арасына сюек атма, эки адамны арасында сёз чыгъарма.
Аурууну келиую тынч, кетиую – къыйын.
Джыгъылгъанны сырты джерден тоймаз.
Джашлыкъ этмеген, башлыкъ этмез.
Агъач халкъгъа алтынды, иссиликге салкъынды.
Къуру гыбыт бек дыгъырдар.
Хунаны тюбюн къазсанг, юсюнге ауар.
Джаралыны джастыгъында сау ёлюр.
Керек ташны ауурлугъу джокъ.
Билеги кючлю, бирни джыгъар, билими кючлю, мингни джыгъар.
Арпа, будай – ащды, алтын, кюмюш а – ташды.
Хата – гитчеден.
Джуртун къоругъан озар.
Келинин тута билмеген, къул этер, къызын тута билмеген, тул этер.
Билими азны – ауузунда кирит.
Къан бла кирген, джан бла чыгъар.
Ёлген аслан – сау чычхан.
Атлыны кёрсе, джаяуну буту талыр.
Тилчи бир сагъатха айлыкъ хата этер.
Сабий болмагъан джерде, мёлек болмаз.