- Атадан ёксюз – бир ёксюз, анадан ёксюз – эки ёксюз.
- Акъыллы башны – тили къысха.
- Билим – акъылны чырагъы.
- Тенгни тенглиги джашай барсанг билинир.
- Илму – джашауну джолу.
- Эл ауузу – элек, анга ийнаннган – халек.
- Биреу ашаб къутулур, биреу джалаб тутулур.
- Аз сёлешген, къайгъысыз турур.
- Къоркъакъны кёзю экили кёрюр.
- Душманны тышы – акъ, ичи – къара.
- Тилсиз миллет джокъ болур.
- Юйюнгден чыкъдынг – кюнюнгден чыкъдынг.
- Ёлген эшек бёрюден къоркъмайды.
- Гитче джилтин уллу элни джандырыр.
- Накъырда – кертини келечиси.
- Сабыр джетер муратха, сабырсыз къалыр уятха.
- Намыс болмагъан джерде, насыб болмаз.
- Чомартны къолу берекет.
- Джеринден айырылгъан – джети джылар, джуртундан айырылгъан – ёлгюнчю джылар.
- Бёрю да ач къалмасын, эчки да ашалмасын.
- Адамны бетине къарама, адетине къара.
- Тойгъан джерден туугъан джер игиди.
- Тил джюрекге джол ишлейди.
- Сёз къанатсыз учар.
- Аджашхан тёгерек айланыр.
- Кирсизни – саны таза, халалны – къаны таза.
- Мадар болса, къадар болур.
- Эркиши – от, тиширыу – суу.
- Эр абынмай, эл танымаз.
- Ана – юйню кюн джарыгъы.
- Аууздан келген, къолдан келсе, ким да патчах болур эди.
- Айран тёгюлсе, джугъусу къалыр.
- Кюл тюбюндеги от кёрюнмейди.
- Урунуу – насыбны анасы.
- Окъуусуз билим – джокъ, билимсиз кюнюнг – джокъ.
- Джыгъылгъанны сырты джерден тоймаз.
- Ауузу бла къуш тута айланады.
- Билеги кючлю, бирни джыгъар, билими кючлю, мингни джыгъар.
- Кёпюр салгъан кеси ётер, уру къазгъан кеси кетер.
- Джетген къыз джерли эшекни танымаз.
- Ариу сёз – къылычдан джити.
- Окъ къызбайны джокълайды.
- Тай асырагъан, атха минер.
- Сакъ юйюне сау барыр.
- Абынмазлыкъ аякъ джокъ, джангылмазлыкъ джаякъ джокъ.
- Джашынгы кесинг юретмесенг, джашау юретир.
- Ариу джол аджал келтирмез.
- Байны къызы баймакъ болса да, юйде къалмаз!
- Татлы тилде – сёз ариу, чемер къолда – иш ариу.
- Ашда уялгъан – мухар, ишде уялгъан – хомух.
Че
10.06.2013