Эльбрусоид :: Эльбрусоид

Адам туугъан джеринде, ит тойгъан джеринде.
Мени джылытмагъан кюн, меннге тиймесин!
Аууз сакълагъан – джан сакълар.
Сыфатында болмагъаны, суратында болмаз.
Къарнынг тойгъунчу аша да, белинг талгъынчы ишле.
Алма терегинден кери кетмез.
Кёзюнде тереги болгъан, чёбю болгъаннга кюле эди.
Ашда – бёрю, ишде – ёлю.
Байны оноуу, джарлыгъа джарамаз.
Аз сёлеш, кёб ишле.
Къайгъы тюбю – тенгиз.
Бир онгсуз адам адет чыгъарды, деб эштирик тюлсе.
Ач да бол, токъ да бол – намысынга бек бол.
Кесинге джетмегенни, кёб сёлешме.
Рысхы – насыбха къор.
Атадан ёксюз – бир ёксюз, анадан ёксюз – эки ёксюз.
Ауузу бла къуш тута айланады.
Аманнга алтын чыдамаз.
Сууда джау джокъ, кёб сёзде магъана джокъ.
Алтыда кюлмеген, алтмышда кюлмез.
Къууут – джелге, берне – бошха.
Эл бла кёргенинг эрелей.
Ауругъан – джашаудан умутчу.
Магъанасыз сёз – тауушсуз сыбызгъы.
Илму – джашауну джолу.
Кёзден кетген, кёлден да кетеди.
Къонакъ аз олтурур, кёб сынар.
Эм ашхы къайын ана мамукъ бла башынгы тешер.
Акъыл неден да кючлюдю.
Тешигини къатында, чычхан да батыр болур.
Джюрекге ариу – кёзге да ариу.
Ата джурт – алтын бешик.
Кюн – узун, ёмюр – къысха.
Къонакъ болсанг, ийнакъ бол.
Ауурну тюбю бла, дженгилни башы бла джюрюген.
Иги – алгъыш этер, аман – къаргъыш этер.
Тенгинг джокъ эсе – изле, бар эсе – сакъла!
Ариу сёз – къылычдан джити.
Агъач халкъгъа алтынды, иссиликге салкъынды.
Суу ичген шауданынга тюкюрме.
Биреуге аманлыкъны тилеме да, кесинге ашхылыкъны тиле.
Эте билген, этген этеди, эте билмеген, юретген этеди!
Джерни букъусу кёкге къонмаз.
От этилмеген джерден тютюн чыкъмайды.
Биреуню эскиси биреуге джангы болмайды.
Билимли ёлмез, билимсиз кёрмез.
Адамны джюреги нени кёрюрге сюйсе, кёзю да аны кёрюрге ёч болады.
Телиге акъыл салгъандан эсе, ёлгеннге джан салырса.
Тик ёргени, тик энгишгеси да болады.
Кесинг сынамагъан затны, адамгъа буюрма.