- Биреуню тёрюнден, кесинги эшик артынг игиди.
- Ёзденликни джайгъан – джокълукъ.
- Кёлю джокъну – джолу джокъ.
- Тыш элде солтан болгъандан эсе, кесинги элде олтан болгъан игиди!
- Аджашхан тёгерек айланыр.
- Къонакъ аз олтурур, кёб сынар.
- Бир онгсуз адам адет чыгъарды, деб эштирик тюлсе.
- Чомарт къолда мал къалмаз.
- Хар адамгъа кеси миннген тау кибик.
- Бёрю да ач къалмасын, эчки да ашалмасын.
- Тили узунну, намысы – къысха.
- Ишленмеген джаш – джюгенсиз ат, ишленмеген къыз – тузсуз хант.
- Ётюрюк хапар аякъ тюбю бла джюрюйдю.
- Зар адамны насыбы болмаз.
- Зар адам ашынгы ашар, кесинги сатар.
- Тойгъа барсанг, тоюб бар, эски тонунгу къоюб бар.
- Адамны сыфатына къарама, сёзюне къара.
- Тёрдеги кюлсе, эшикдеги ышарыр.
- Элде адам къалмаса, ит тахтагъа минер.
- «Ёгюз, джаргъа джууукъ барма, меннге джюк боллукъса», - дегенди эшек.
- Тенгинг джокъ эсе – изле, бар эсе – сакъла!
- Акъыл къартда, джашда тюйюлдю – башдады.
- Ач, тоймам, дейди, тойгъан, ач болмам, дейди.
- Къонакъны къачан кетерин сорма, къачан келлигин сор.
- Уллу къашыкъ эрин джыртар.
- Адамны аманы адамны бети бла ойнар.
- Зарда марда джокъ.
- Aдам боллукъ, сыфатындан белгили.
- Ачлыкъда тары гырджын халыуадан татлы.
- Къарны аманнга къазан такъдырма, къолу аманнга от джакъдырма.
- Бермеген къол, алмайды.
- Ана къойну – балагъа джандет.
- Къонакъ кёб келюучю юйню, къазаны отдан тюшмез.
- Къызны минг тилер, бир алыр.
- Урунуу – насыбны анасы.
- Тешик этген тынчды, аны джамагъан къыйынды.
- Сакъ юйюне сау барыр.
- Эр абынмай, эл танымаз.
- Суу кетер, таш къалыр.
- Ач къарным, тынч къулагъым.
- Иги болса, тамадама – махтау, аман болса, меннге – айыб.
- Байлыкъ болгъан джерде, тынчлыкъ джокъду.
- Юйюнг бла джау болгъандан эсе, элинг бла джау бол.
- Тилде сюек болмаса да, сюек сындырыр.
- Уллу къазанда бишген эт, чий къалмаз.
- Джыйырма къойну юч джыйырма эбзе кюте эди.
- Къызгъанчдан ычхыныр, мухардан ычхынмаз.
- Аууз сакълагъан – джан сакълар.
- Ариу сёзде ауруу джокъ.
- Чомарт бергенин айтмаз.
Че
10.06.2013