Эльбрусоид :: Эльбрусоид

Дуния мал дунияда къалады.
Ач – эснер, ат – кишнер.
Акъдан къара болмаз.
Душманны тышы – акъ, ичи – къара.
Болджал ишни бёрю ашар.
Aдам боллукъ, сыфатындан белгили.
Джашынгы кесинг юретмесенг, джашау юретир.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Этим кетсе да, сюегим къалыр.
Эллинг бла джау болсанг да, юйюнг бла джау болма.
Асхат ашлыкъ сата, юйдегиси ачдан къата.
Эки къатын алгъан – эки ташны ортасына башын салгъан.
Ашхы – джыяр, аман – джояр.
Ариу сёз джыланны орнундан чыгъарыр.
Къыз чыгъаргъан – къызыл къымжа.
Насыб бютеу халкъны юлюшюдю.
Айырылмаз джууугъунга, унутмаз сёзню айтма.
Окъуу – билимни ачхычы, окъуу – дунияны бачхычы.
Эл ауузу – элия.
Тынгылагъан тынгы бузар.
Адам сёзюнден белгили.
Тай асырагъан, атха минер.
Экиндини кеч къылсанг, чабыб джетер ашхам.
Адебсиз адам – джюгенсиз ат.
Ауурну тюбю бла, дженгилни башы бла джюрюген.
Таукел адам тау тешер.
Кюн кёрмеген, кюн кёрсе, кюндюз чыракъ джандырыр.
Сангырау къулакъ эл бузар.
Айырылгъанланы айю ашар, бёлюннгенлени бёрю ашар.
Аманны къуугъан, аманлыкъ табар.
Ата Джуртча джер болмаз, туугъан элча эл болмаз.
Телини эшигин, махтау джабар.
Ашлыкъны арба юйге келтирир, чана базаргъа элтир.
Джюрекден джюрекге джол барды.
Къарны аманнга къазан такъдырма, къолу аманнга от джакъдырма.
Биреуню эскиси биреуге джангы болмайды.
Къонакъ хазыр болгъанлыкъгъа, къонакъбай хазыр тюлдю.
Кёзден кетген, кёлден да кетеди.
Айыбны суу бла джууалмазса.
Акъыл сабырлыкъ берир.
Чомартха хар кюн да байрамды.
Къар – келтирди, суу – элтди.
Къоркъакъны кёзю экили кёрюр.
Ишленмеклик адамлыкъды.
Тойгъа барсанг, тоюб бар, эски тонунгу къоюб бар.
Узун джолну барсанг, бюгюн келирсе, къысха джолну барсанг, тамбла келирсе.
Къарнынг къанлынга кийирир.
Нёгер болсанг, тенг бол, тенг болмасанг, кенг бол.
Зарда марда джокъ.
Адамны аманы адамны бети бла ойнар.