Эльбрусоид :: Эльбрусоид

Баргъанынга кёре болур келгенинг.
Акъыллы – эл иеси, тели – эл баласы.
Акъыл неден да кючлюдю.
Акъыллы башны – тили къысха.
Болджал ишни бёрю ашар.
Кёлю джокъну – джолу джокъ.
«Ёгюз, джаргъа джууукъ барма, меннге джюк боллукъса», - дегенди эшек.
Биреуню тёрюнден, кесинги эшик артынг игиди.
Аз сёлеш, кёб ишле.
Бети – къучакълар, джюреги – бычакълар.
Джылкъыдан – ат чыгъар, тукъумдан – джаш чыгъар.
Ишленмеген джаш – джюгенсиз ат, ишленмеген къыз – тузсуз хант.
Сибиртки да сыйлы болду, кюрек да кюнлю болду.
Эрни эр этерик да, къара джер этерик да, тиширыуду.
Аджашхан тёгерек айланыр.
Хата – гитчеден.
Кимни – тили, тиши онглу, кимни – къолу, иши онглу.
Тойгъан джерге джети къайт.
Джолунга кёре – джюрюшюнг, джагъанга кёре – юлюшюнг.
Зар адам ашынгы ашар, кесинги сатар.
Юйлю уругъа ит чабмаз.
Ишни аллы бла къууанма да, арты бла къууан.
Юреннген ауруу къалмаз.
Игилик игилик бла сингдирилиучю затды.
Акъылсызны джууукъгъа алма, акъыллыны кенгнге салма.
Хар сёзню орну барды.
Тилчи бир сагъатха айлыкъ хата этер.
Ишлемеген – тишлемез.
Чомарт бергенин айтмаз.
Ашда – бёрю, ишде – ёлю.
Эки къатын алгъанны къулагъы тынгнгаймаз.
Атадан ёксюз – бир ёксюз, анадан ёксюз – эки ёксюз.
Баш болса, бёрк табылыр.
Кёб джашагъан – кёб билир.
Тешик этген тынчды, аны джамагъан къыйынды.
Тилчи тилден къаныкъмаз.
Окъ къызбайны джокълайды.
Зар адамны насыбы болмаз.
Къулакъдан эсе, кёзге ышан.
Ишлегенден, къарагъан уста.
Накъырданы арты керти болур.
Джыланны къуйругъундан басарынг келсе, аны башы болгъанын унутма.
Ханы къызы буюгъа-буюгъа киштик болду.
Тёзген – тёш ашар!
Билими азны – ауузунда кирит.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къуру гыбыт бек дыгъырдар.
Урама да – ёледи, сатама да – келеди.
Халкъны джырын джырласанг, халкъ санга эжиу этер.
Келинин тута билмеген, къул этер, къызын тута билмеген, тул этер.