- Уллу сёзде уят джокъ.
- Джылкъыдан – ат чыгъар, тукъумдан – джаш чыгъар.
- Гитче джилтин уллу элни джандырыр.
- Телиге от эт десенг, юйюнге от салыр.
- Тай асырагъан, атха минер.
- Дуния мал дунияда къалады.
- Къыз чыгъаргъан – къызыл къымжа.
- Къарын къуру болса, джюрек уру болур.
- Къуллукъчума, деб махтанма, къуллукъ – хаух джамчыды!
- Урама да – ёледи, сатама да – келеди.
- Къарт бла баш аша, джаш бла аякъ аша.
- Хоншуну тауугъу къаз кёрюнюр, келини къыз кёрюнюр.
- Эм уллу байлыкъ – джан саулукъ.
- Башсыз урчукъ тюзюне айланмаз.
- Ач бёрюге мекям джокъ.
- Джарлы эскисин джамаса, къууаныр.
- Джюрекге ариу – кёзге да ариу.
- Ат басханны джер билед.
- Тешик этген тынчды, аны джамагъан къыйынды.
- Эски джаугъа ышанма.
- Къыйынлы джети элни къайгъысын этер.
- Джаш болсун, къыз болсун, акъылы, саны тюз болсун.
- Кёлсюзден сёзсюз тууар.
- Тамырсыз терекге таянма – джыгъылырса.
- Биреуню эскиси биреуге джангы болмайды.
- Тау башында, тау болмаз, джангыз терек, бау болмаз.
- Этни да ашады, бетни да ашады.
- Дуния аламаты сен эсенг да, игиме деб айтма.
- Таугъа чыгъаллыкъ эсенг, тюзде къалма.
- Къан бла кирген, джан бла чыгъар.
- Аджалсыз ёлюм болмаз.
- Къонагъынгы артмагъын алма да, алгъышын ал.
- Къанны къан бла джуума, аманны аман бла къуума.
- Тойчу джашха къарама, къойчу джашха къара.
- Сабий болмагъан джерде, мёлек болмаз.
- Бир онгсуз адам адет чыгъарды, деб эштирик тюлсе.
- Чоюнну башы ачыкъ болса, итге уят керекди.
- Айтхан – тынч, этген – къыйын.
- Къулакъдан эсе, кёзге ышан.
- Гырджын – тепсини тамадасы.
- Айыбны суу бла джууалмазса.
- Биреуню къыйынлыгъы бла кесинге джол ишлеме.
- Ачылгъан эт джабылыр, кёрген кёз унутмаз.
- Арпа, будай – ащды, алтын, кюмюш а – ташды.
- Адамны сыфатына къарама, сёзюне къара.
- Билим – акъылны чырагъы.
- Ач къалгъандан, кеч къалгъан къолай.
- Арыгъан къош чамчы болур.
- Сыфатында болмагъаны, суратында болмаз.
- Адеб этмеген, адеб кёрмез.
Че
10.06.2013