- Окъуусуз билим – джокъ, билимсиз кюнюнг – джокъ.
- Бети – къучакълар, джюреги – бычакълар.
- Адамны сабийин сюйген джюреги, бычакъча, джитиди.
- Бёрю да ач къалмасын, эчки да ашалмасын.
- Элге къуллукъ этмеген, элге ие болмаз.
- Сакъалы текени да бар, мыйыгъы киштикни да бар.
- Тюзлюк тас болмайды.
- Джумушакъ терекни къурт ашар.
- Ат басханны джер билед.
- Тил – миллетни джаны.
- Чакъырылмагъан къонакъ тёрге атламаз.
- Джарлыны тону джаз битер.
- Ашхылыкъ джерде джатмайды, аманлыкъ суугъа батмайды.
- Тойгъан джерден туугъан джер игиди.
- Къуллукъчума, деб махтанма, къуллукъ – хаух джамчыды!
- Битмегеннге сакъал – танг.
- Эр абынмай, эл танымаз.
- Джерни букъусу кёкге къонмаз.
- Уясында не кёрсе, учханында аны этер.
- Сескекли кесин билдирир.
- Окъуу – билимни ачхычы, окъуу – дунияны бачхычы.
- Накъырда – кертини келечиси.
- Кюн кёрмеген, кюн кёрсе, кюндюз чыракъ джандырыр.
- Ишлемеген – тишлемез.
- Ётюрюкден тюбю джокъ, кёлтюрюрге джиби джокъ.
- Тилсиз миллет джокъ болур.
- Къатын байлыкъны сюер, эр саулукъну сюер.
- Кёл ашады да, кеси ашады.
- Сёз сёзню айтдырыр.
- Къолунгдан къуймакъ ашатсанг да, атаны борчундан къутулмазса.
- Эртде тургъан бла эртде юйленнген сокъуранмаз.
- Чоюнну башы ачыкъ болса, итге уят керекди.
- Дуния малгъа сатылма, кесингден телиге къатылма.
- Къралынгы – душмандан, башынгы от бла суудан сакъла.
- Ач да бол, токъ да бол – намысынга бек бол.
- Айныгъанлы алты кюн, тогъайгъанлы тогъуз кюн.
- Къан бла кирген, джан бла чыгъар.
- Чомарт бергенин айтмаз.
- Чыкълы кюнде чыкъмагъан, чыкъса къуру кирмеген.
- Босагъагъа джууукъ орун болса, ашыгъыб тёрге озма.
- Джети тилни билген джети кишиди.
- Ашхы атаны – джашы ашхы, ашхы ананы – къызы ашхы.
- Къонагъы джокъну – шоху джокъ.
- Хар сёзню орну барды.
- Эри аманны, къатыны – аман.
- Адамны аты башхача, акъылы да башхады.
- Къанны къан бла джуума, аманны аман бла къуума.
- Биреуню тёрюнден, кесинги эшик артынг игиди.
- Айтхан сёзюне табылгъан.
- Ачылгъан эт джабылыр, кёрген кёз унутмаз.
Че
10.06.2013