- Этни бети бла шорпасы.
- Сабийни джумушха джибер да, ызындан бар.
- Айыбны суу бла джууалмазса.
- Эки къатын алгъан – эки ташны ортасына башын салгъан.
- Эри аманны, къатыны – аман.
- Миллетни бойну – базыкъ, аны бла кюрешген – джазыкъ.
- Адеб джокъда, намыс джокъ.
- Эртде тургъан бла эртде юйленнген сокъуранмаз.
- Малны кют, джерни тюрт.
- Окъугъан – асыу, окъумагъан – джарсыу.
- Ханнга да келеди хариблик.
- Шайтан алдады, тюзлюк къаргъады.
- Баш болса, бёрк табылыр.
- Джумушакъ терекни къурт ашар.
- Ач бёрюге мекям джокъ.
- Джюз элде джюз ёгюзюм болгъандан эсе, джюз джууугъум болсун.
- Аллахдан тилесенг, кёб тиле.
- Акъыл аздырмаз, билим тоздурмаз.
- Рысхысына кёре, джаш ёсер, къышлыгъына кёре, мал ёсер.
- Къалгъан ишге къар джауар.
- Билмейме деген – бир сёз
- Бозанг болмагъан джерге, къалагъынгы сукъма.
- Ана къойну – балагъа джандет.
- Хунаны тюбюн къазсанг, юсюнге ауар.
- Джылкъыдан – ат чыгъар, тукъумдан – джаш чыгъар.
- Къозулугъунда тоймагъан, къойлугъунда тоймаз.
- Ачлыкъда тары гырджын халыуадан татлы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Байны оноуу, джарлыгъа джарамаз.
- Иги – алгъыш этер, аман – къаргъыш этер.
- Джукъу тёшек сайламайды.
- Ёксюзню къалачы уллу кёрюнюр.
- Тыш элде солтан болгъандан эсе, кесинги элде олтан болгъан игиди!
- Келинин тута билмеген, къул этер, къызын тута билмеген, тул этер.
- Орундукъ тюбюнде атылсам да, орта джиликме, де да айлан.
- Биреу къой излей, биреу той излей.
- Тилчи тилден къаныкъмаз.
- Таукел тауну аудурур.
- Арбаз сайлама да, хоншу сайла.
- Рысхы – насыбха къор.
- Ач – эснер, ат – кишнер.
- Къарнынг тойгъунчу аша да, белинг талгъынчы ишле.
- Къралынгы – душмандан, башынгы от бла суудан сакъла.
- Эл ауузу – элек, анга ийнаннган – халек.
- Аууздан келген, къолдан келсе, ким да патчах болур эди.
- Къобан да къуру да къобханлай турмайды, адам да къуру да патчахлай турмайды.
- Айранны сюйген, ийнек тутар.
- Айтхан – тынч, этген – къыйын.
- Ач да бол, токъ да бол – намысынга бек бол.
- Намысы джокъну – дуниясы джокъ.
Че
10.06.2013