- Ёлмесенг да, къарт дамы болмазса?
- Агъач халкъгъа алтынды, иссиликге салкъынды.
- Ойнай-ойнай кёз чыгъар.
- Билим насыб берир, билим джолну керир.
- Къонагъынгы артмагъын алма да, алгъышын ал.
- Айранын берсенг, челегин да къызгъанма.
- Эрине къаргъыш этген къатын, эрнин къабар.
- Кёл – къызбай, къол – батыр.
- Суу да къайтады чыкъгъан джерине.
- Аш иеси бла татлыды.
- Ата Джуртун танымагъан, атасын да танымаз.
- Алтыда кюлмеген, алтмышда кюлмез.
- Этек чакъмакълары баш джаргъан, сёлешген сёзлери таш джаргъан.
- Орундукъ тюбюнде атылсам да, орта джиликме, де да айлан.
- Таукел адам тау тешер.
- Ачыкъ джюрекге джол – ачыкъ.
- Ишни ахырын ойламай, аллын башлама.
- Босагъагъа джууукъ орун болса, ашыгъыб тёрге озма.
- Эки ойлашыб, бир сёлешген.
- Бичгенде ашыкъма, тикгенде ашыкъ.
- Ишлемеген – тишлемез.
- Къуру гыбыт бек дыгъырдар.
- Мухар, кеси тойса да, кёзю тоймаз.
- Адамны сабийин сюйген джюреги, бычакъча, джитиди.
- Джаз бир кюнню джатсанг, къыш талай кюнню абынырса.
- Билмейме деген – бир сёз
- Джырчы джырчыгъа – къарнаш.
- Уллу сёзде уят джокъ.
- Ашыкъгъанны этеги бутуна чырмалыр.
- Эл ауузу – элия.
- Келгинчи, къонакъ уялыр, келгенден сора, къонакъбай уялыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сёз сёзню айтдырыр.
- Ата Джуртуму башы болмасам да, босагъасында ташы болайым.
- Таш ата билмеген, башына урур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аджашханны ызындагъы кёреди, джангылгъанны джанындагъы биледи.
- Чакъырылмай келген къонакъ сыйланмай кетер.
- Адам къаллай бир ишленмесе, аллай бир кесин уллу кёреди.
- Чыбыкълыкъда бюгюлмеген, къазыкълыкъда бюгюлмей эди.
- Къолу уллу – асыу, аягъы уллу – джарсыу.
- Нарт сёз – тилни бети.
- Къарт бла баш аша, джаш бла аякъ аша.
- Накъырда – кертини келечиси.
- Джарашыу сюйген – джалынчакъ.
- Кёб ант этген, кёб ётюрюк айтыр.
- Аманнга да, игиге да оноусуз къатышма.
- Магъанасыз сёз – тауушсуз сыбызгъы.
- Джюз элде джюз ёгюзюм болгъандан эсе, джюз джууугъум болсун.
- Баш – акъыл ючюн, акъылман – халкъ ючюн.
Че
10.06.2013