Эльбрусоид :: Эльбрусоид

Кийиминг бла танылма, адамлыкъ бла таныл.
Билими азны – ауузунда кирит.
Гырджын – тепсини тамадасы.
Джахил болса анасы, не билликди баласы?
Чабар ат – джетген къыз.
Бети бедерден, намыс сакълама.
Бёрю да ач къалмасын, эчки да ашалмасын.
Бал ашаргъа сюе эсенг, чибин ургъаннга тёз.
Ётюрюкчюню шагъаты – къатында.
Рысхы джалгъанды: келген да этер, кетген да этер.
Ач къалгъандан, кеч къалгъан къолай.
Къарнынг бла ёч алма.
Билим ат болуб да чабар, къуш болуб да учар.
Тулпарлыкъ, билекден тюл – джюрекден.
Шайтан алдады, тюзлюк къаргъады.
Окъуусуз билим – джокъ, билимсиз кюнюнг – джокъ.
Иги – алгъыш этер, аман – къаргъыш этер.
Чакъырылмагъан къонакъ тёрге атламаз.
Адам къыйынлыгъын кёлтюрюр, зауукълугъун кёлтюрмез.
Ауурну тюбю бла, дженгилни башы бла джюрюген.
Къралынгы – душмандан, башынгы от бла суудан сакъла.
Сютден ауузу кюйген, суугъа юфгюре эди.
Экиндини кеч къылсанг, чабыб джетер ашхам.
Ёлген ийнек сютлю болур.
Туз, гырджын аша, тюзлюк бла джаша.
Биреуге аманлыкъны тилеме да, кесинге ашхылыкъны тиле.
Нарт сёз къарт болмаз.
Къатын байлыкъны сюер, эр саулукъну сюер.
Тойгъа барсанг, тоюб бар, эски тонунгу къоюб бар.
Урама да – ёледи, сатама да – келеди.
Орну джокъну – сыйы джокъ.
«Ма», - дегенни билмесенг, «бер», - дегенни билмезсе.
Джетген къыз джерли эшекни танымаз.
Аз сёлеш, кёб ишле.
Ётюрюкден тюбю джокъ, кёлтюрюрге джиби джокъ.
Ауругъанны сау билмез, ач къарынны токъ билмез.
Адеби болмагъан къыз – тузсуз хант.
Ач, тоймам, дейди, тойгъан, ач болмам, дейди.
Эки ойлашыб, бир сёлешген.
Рысхы – сют юсюнде кёмюк кибикди.
Джарлы тюеге минсе да, ит къабар.
Тас болгъан бычакъны сабы – алтын.
Къанны къан бла джуума, аманны аман бла къуума.
Ач уят къоймаз.
Ачыу алгъа келсе, акъыл артха къалады.
Таукел къуру къалмаз.
Тёрде – темир таякълы, къаяда – чыпчыкъ аякълы.
Къарт бла баш аша, джаш бла аякъ аша.
Тёрени джагъы джокъ.
Айтхан сёзюне табылгъан.