- Тамчы таш тешер.
- Суугъа – таянма, джаугъа – ийнанма.
- Ашын ашагъанынгы, башын да сыйла.
- Иги джашны ышаны – аз сёлешиб, кёб тынгылар.
- Таукелге нюр джауар.
- Ётюрюкню башын керти кесер.
- Аджашханны ызындагъы кёреди, джангылгъанны джанындагъы биледи.
- Игини сыйлагъан адетди.
- Адам къаллай бир ишленмесе, аллай бир кесин уллу кёреди.
- Къарт бла баш аша, джаш бла аякъ аша.
- Джыгъылгъанны сырты джерден тоймаз.
- Тойгъан джерге джети къайт.
- Иесиз малны бёрю ашар.
- Ишлегенден, къарагъан уста.
- Къанны къан бла джуума, аманны аман бла къуума.
- Тёрени джагъы джокъ.
- Адеби болмагъан къыз – тузсуз хант.
- Окъугъан – асыу, окъумагъан – джарсыу.
- Къыз келсе, джумуш эте келеди, къатын келсе, ушакъ эте келеди.
- Алим болгъандан эсе, адам болгъан къыйынды.
- Аман киши кеси юйюнде – къонакъ.
- Абынмазлыкъ аякъ джокъ, джангылмазлыкъ джаякъ джокъ.
- Махтаннган къыз, тойда джукълар.
- Джахил болса анасы, не билликди баласы?
- Къозулугъунда тоймагъан, къойлугъунда тоймаз.
- Ишлерге уял да, ашаргъа табма.
- Халкъны юйю – туугъан джери.
- Ашыкъгъан cуу, тенгизге джетмез.
- Таш ата билмеген, башына урур.
- Адамны сыфатына къарама, сёзюне къара.
- Керек ташны ауурлугъу джокъ.
- Чабар ат – джетген къыз.
- Керти сёзге тёре джокъ.
- Джогъун бар этген, барын бал этген.
- Джаханимни кёрмей, джандетге кёл салмазса.
- Этни да ашады, бетни да ашады.
- Илму – джашауну джолу.
- Мал ёлсе, сюек къалыр, адам ёлсе, иши къалыр.
- Келгинчи, къонакъ уялыр, келгенден сора, къонакъбай уялыр.
- Аджаллыгъа окъсуз шкок атылыр.
- Татлы сёз – балдан татлы.
- Хар ишни да аллы къыйынды.
- Болджал ишни бёрю ашар.
- Ауузу бла къуш тута айланады.
- Билими азны – ауузунда кирит.
- Нёгерсизни джолу узун.
- Джангызны оту джарыкъ джанмаз!
- Элде адам къалмаса, ит тахтагъа минер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Акъыллы башны – тили къысха.
Че
10.06.2013