Эльбрусоид :: Эльбрусоид

Окъугъан – асыу, окъумагъан – джарсыу.
Чакъырылгъанны аты, чакъырылмагъанны багъасы болур.
Дуния аламаты сен эсенг да, игиме деб айтма.
Тас болгъан бычакъны сабы – алтын.
Башы джабылгъан челекге, кир тюшмез.
Акъыл неден да кючлюдю.
Ушамагъан – джукъмаз.
Къарт бла баш аша, джаш бла аякъ аша.
Тау башында, тау болмаз, джангыз терек, бау болмаз.
Рысхы – насыбха къор.
Кечеси – аяз, кюню – къыш, джарлы къаргъагъа бир аш тюш!
Дженгил джетерикме деб, узун джолну къоюб, къысхасын барма.
Нарт сёз – тилни бети.
Юйлю уругъа ит чабмаз.
Эртде тургъан джылкъычыны эркек аты тай табар.
Эшекни не къадар тюйсенг да, ат болмаз.
Чакъырылмай келген къонакъ сыйланмай кетер.
Ишни ахырын ойламай, аллын башлама.
Аман киши кеси юйюнде – къонакъ.
Ёзденликни кёбю ётюрюк.
Аш иеси бла татлыды.
Нёгер болсанг, тенг бол, тенг болмасанг, кенг бол.
Джаш болсун, къыз болсун, акъылы, саны тюз болсун.
Кюн кёрмеген, кюн кёрсе, кюндюз чыракъ джандырыр.
Эркишини аманы тиширыуну джылатыр.
Ата Джуртча джер болмаз, туугъан элча эл болмаз.
Джогъун бар этген, барын бал этген.
Кийимни бичсенг, кенг бич, тар этген къыйын тюлдю.
Байны оноуу, джарлыгъа джарамаз.
Чакъырылмагъан къонакъ – орунсуз.
Телиге акъыл салгъандан эсе, ёлгеннге джан салырса.
Къазанны башы ачыкъ болса, итге уят керекди.
Зарда марда джокъ.
Урунуу – насыбны анасы.
Оюмсуз атлагъан, аджалсыз ёлюр.
Сабийни джумушха джибер да, ызындан бар.
Ач бёрюге мекям джокъ.
Къонагъынгы артмагъын алма да, алгъышын ал.
Этни да ашады, бетни да ашады.
Джашны джигитлиги сорулур, къызны джигерлиги сорулур.
Накъырданы арты керти болур.
Бир абыннган – минг сюрюнюр.
Билген билмегенни юретген адетди.
Уллу къазанда бишген эт, чий къалмаз.
Кёб джат да, бек чаб.
Тойгъа барсанг, тоюб бар, эски тонунгу къоюб бар.
Алим болгъандан эсе, адам болгъан къыйынды.
Байлыкъ келсе, акъыл кетер.
Тенги кёбню джау алмаз, акъылы кёбню дау алмаз.
Ачлыкъда тары гырджын халыуадан татлы.