Эльбрусоид :: Эльбрусоид

Къатын байлыкъны сюер, эр саулукъну сюер.
Джукъу тёшек сайламайды.
Тойгъан джерге джети къайт.
Ичимден чыкъды хата, къайры барайым сата?
Атадан ёксюз – бир ёксюз, анадан ёксюз – эки ёксюз.
Ёпкелегенни ашы татлы болады.
Суугъа – таянма, джаугъа – ийнанма.
Сангырау къулакъ эл бузар.
Джети тилни билген джети кишиди.
Бичгенде ашыкъма, тикгенде ашыкъ.
Аман адам этегингден тутса, кес да къач.
Кенгеш болса, уруш болмаз.
Ётген ёмюр – акъгъан суу.
Айран ичген – къутулду, джугъусун джалагъан – тутулду.
Оюмсуз атлагъан, аджалсыз ёлюр.
Аманны тукъумуна къарама, игини тукъумун сорма.
Бетинги сатма, малынгы сат.
Тойгъа барсанг, тоюб бар, эски тонунгу къоюб бар.
Таш ата билмеген, башына урур.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ханнга да келеди хариблик.
Эл ауузу – элия.
Сууда джау джокъ, кёб сёзде магъана джокъ.
Ашын ашагъанынгы, башын да сыйла.
Олтуруб кёрюнмей эди да, ёрге туруб кёрюне эди.
Мадар болса, къадар болур.
Адам къаллай бир ишленмесе, аллай бир кесин уллу кёреди.
Кёзню ачылгъаны – иги, ауузну джабылгъаны – иги.
Азыкълы ат арымаз, къатыны аман джарымаз.
Зар адам ашынгы ашар, кесинги сатар.
Адебни адебсизден юрен.
Накъырданы арты керти болур.
Мал тутхан – май джалар.
Кютгени беш эчки, сызгъыргъаны уа, джерни джарады.
Джыланны къуйругъундан басарынг келсе, аны башы болгъанын унутма.
Окъугъанны бети джарыкъ.
Эркишиге тары кебек танг кёрюнюр.
Арпа, будай – ащды, алтын, кюмюш а – ташды.
Къалгъан ишге къар джауар.
Тели турса – той бузар.
Ишни ахырын ойламай, аллын башлама.
Ётюрюк хапар аякъ тюбю бла джюрюйдю.
Ата Джуртуму башы болмасам да, босагъасында ташы болайым.
Кесинг сынамагъан затны, адамгъа буюрма.
Иесиз малны бёрю ашар.
Джыгъылгъанны сырты джерден тоймаз.
Танг атмайма десе да, кюн къоярыкъ тюйюлдю.
Къыз тиширыу кеси юйюнде да къонакъды.
Кесине гебен этелмеген, биреуге черен эте эди.
Ашхы – джыяр, аман – джояр.