Эльбрусоид :: Эльбрусоид

Джарлыны тону джаз битер.
Сёз къанатсыз учар.
Окъумагъан сокъурду, сокъур ташха абыныр!
Ата – баланы уясы.
Бир онгсуз адам адет чыгъарды, деб эштирик тюлсе.
Келинни – келгинчи, бёркню кийгинчи кёр.
Къартны сыйын кёрмеген, къартлыгъында сыйлы болмаз.
Тёгюлген тюгел джыйылмайды.
Адеби болмагъан къыз – тузсуз хант.
Акъыл сабырлыкъ берир.
Элиб деген, элге болушур.
Рысхы – насыбха къор.
Джаш болсун, къыз болсун, акъылы, саны тюз болсун.
Телини эшигин, махтау джабар.
Ёзденликни джайгъан – джокълукъ.
Таула не мийик болсала да, аууш табылыр.
Уллу къашыкъ эрин джыртар.
Баланы адам этген анады.
Къыйынлы джети элге оноу этер.
Этни да ашады, бетни да ашады.
Битмегеннге сакъал – танг.
Суу кетер, таш къалыр.
Шапа кёб болса, аш татымсыз болур.
Урама да – ёледи, сатама да – келеди.
Ашыкъгъанны этеги бутуна чырмалыр.
Эки ойлашыб, бир сёлешген.
Къонакъны къачан кетерин сорма, къачан келлигин сор.
Аджашханны ызындагъы кёреди, джангылгъанны джанындагъы биледи.
Тюз сёз баргъан сууну тыяр.
Окъуу – билимни ачхычы, окъуу – дунияны бачхычы.
Байлыкъдан саулукъ ашхыды.
Кийимни бир кюнню аясанг, минг кюннге джарар.
Билген билмегенни юретген адетди.
Артына баргъанны, къатына барма.
Тешик этген тынчды, аны джамагъан къыйынды.
Зар адамны насыбы болмаз.
Эл ауузу – элек, анга ийнаннган – халек.
Мал тутхан – май джалар.
Ашына кёре табагъы, балына кёре къалагъы.
Аллахдан тилесенг, кёб тиле.
Аман эсирсе, юйюн ояр.
Ёксюзню къалачы уллу кёрюнюр.
Адамны сабийин сюйген джюреги, бычакъча, джитиди.
Айтхан сёзюне табылгъан.
Насыб бютеу халкъны юлюшюдю.
Ётюрюкден тюбю джокъ, кёлтюрюрге джиби джокъ.
Джигер – джаннга къыйынлыкъ.
Ауурну тюбю бла, дженгилни башы бла джюрюген.
Къайгъы тюбю – тенгиз.
Билим насыб берир, билим джолну керир.