- Ашхы болсанг, атынг чыгъар, аман болсанг, джанынг чыгъар.
- Джол бла сёзню къыйыры джокъ.
- Тили узунну, намысы – къысха.
- Аджал соруб келмез, келсе, къайтыб кетмез.
- Кёз – сюйген джерде, къол – ауругъан джерде.
- Кёзюнде тереги болгъан, чёбю болгъаннга кюле эди.
- Эте билген, этген этеди, эте билмеген, юретген этеди!
- Мен да «сен», дейме, сен да «кесим», дейсе.
- Юйлю уругъа ит чабмаз.
- Ач да бол, токъ да бол – намысынга бек бол.
- Тик ёргени, тик энгишгеси да болады.
- Билими азны – ауузунда кирит.
- Бастасын ашагъан, хантусун да ичер.
- Ёзденликни джайгъан – джокълукъ.
- Тау башында, тау болмаз, джангыз терек, бау болмаз.
- Кёл ашады да, кеси ашады.
- Джюрекге ариу – кёзге да ариу.
- Чакъырылмагъан къонакъ – орунсуз.
- Байлыкъдан саулукъ ашхыды.
- Ашыкъгъан cуу, тенгизге джетмез.
- Джигер – джаннга къыйынлыкъ.
- Бети къызарыучу адамны, джюреги харам болмаз.
- Ата – билек, ана – джюрек!
- Джашынгы кесинг юретмесенг, джашау юретир.
- Зар адамны насыбы болмаз.
- Ёгюзню мюйюзлери ауурлукъ этмейдиле.
- Чёбню кёлтюрсенг, тюбюнден сёз чыгъар.
- Айранын берсенг, челегин да къызгъанма.
- Келлик заман – къартлыкъ келтирир, кетген заман – джашлыкъ ёлтюрюр.
- Джерни букъусу кёкге къонмаз.
- Ёлген эшек бёрюден къоркъмайды.
- Накъырданы арты керти болур.
- Къулакъдан эсе, кёзге ышан.
- Аман къатын сабий табса, бий болур…
- Ёксюзню къалачы уллу кёрюнюр.
- Айран тёгюлсе, джугъусу къалыр.
- Кёб джат да, бек чаб.
- Тин – байлыгъынг, терен саулугъунг.
- Мал ёлсе, сюек къалыр, адам ёлсе, иши къалыр.
- Ач бёрюге мекям джокъ.
- Ойнай-ойнай кёз чыгъар.
- Соргъан айыб тюлдю, билмеген айыбды.
- Зарда марда джокъ.
- Ана къойну – балагъа джандет.
- Нафысынгы айтханын этме, намысынгы айтханын эт.
- Аз сёлешген, къайгъысыз турур.
- Aдам боллукъ, сыфатындан белгили.
- Хансыз джомакъ болмаз.
- Ашхы тенг джолгъа салыр, аман тенг джолдан тайдырыр.
- Тюзню ётмеги тюзде къалса да, тас болмаз.