- Сескекли кесин билдирир.
- Кёл – къызбай, къол – батыр.
- Элде адам къалмаса, ит тахтагъа минер.
- Чомарт джарлы болмаз.
- Аякъларынгы джууургъанынга кёре узат.
- Адеб джокъда, намыс джокъ.
- Тили узунну, намысы – къысха.
- Айтханы чапыракъдан ётмеген.
- Эл ауузу – элек, анга ийнаннган – халек.
- Тас болгъан бычакъны сабы – алтын.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъуусуз билим – джокъ, билимсиз кюнюнг – джокъ.
- Ач келгенни – тойдур, кеч келгенни – къондур.
- Ауругъанны сау билмез, ач къарынны токъ билмез.
- Этек чакъмакълары баш джаргъан, сёлешген сёзлери таш джаргъан.
- Тулпарлыкъ, билекден тюл – джюрекден.
- Кийимни бичсенг, кенг бич, тар этген къыйын тюлдю.
- Эринчекни аурууу – кёб.
- Элге къуллукъ этмеген, элге ие болмаз.
- Иги – алгъыш этер, аман – къаргъыш этер.
- Джеринден айырылгъан – джети джылар, джуртундан айырылгъан – ёлгюнчю джылар.
- Къарны аманнга къазан такъдырма, къолу аманнга от джакъдырма.
- Кёкдеги болмаса, джердегин кёрмейди.
- Мени джылытмагъан кюн, меннге тиймесин!
- Айраннга суу къош, телиге джол бош.
- Айтылгъан сёз ызына къайтмаз.
- Къатын къылыкъсыз, эр тынчлыкъсыз.
- Биреуню тёрюнден, кесинги эшик артынг игиди.
- Алгъанда – джууукъ, бергенде – джау.
- Ётюрюкню къуйругъу – бир тутум.
- Халкъны юйю – туугъан джери.
- Джумушакъ терекни къурт ашар.
- Биреуню эскиси биреуге джангы болмайды.
- Ариу сёз джыланны орнундан чыгъарыр.
- Къонакъны къачан кетерин сорма, къачан келлигин сор.
- Аджалсыз ёлюм болмаз.
- Къралынгы – душмандан, башынгы от бла суудан сакъла.
- Сёз садакъдан кючлюдю.
- Кёзюнде тереги болгъан, чёбю болгъаннга кюле эди.
- Кёб джат да, бек чаб.
- Эм уллу байлыкъ – джан саулукъ.
- Къарнынг ауруса, ауузунгу тый
- Джауумдан сора, кюн кюйдюрюр, ётюрюкден сора, айыб кюйдюрюр.
- Къолу уллу – асыу, аягъы уллу – джарсыу.
- Джети тилни билген джети кишиди.
- Билмейме деген – бир сёз
- Ариуну – ауруу кёб.
- Джаш къарыу бла кючлю, къарт акъыл бла кючлю.
- Башы ишлегенни, ауузу да ишлер.
- Кёб къычыргъандан – къоркъма, тынч олтургъандан – къоркъ.