- Кёкдеги болмаса, джердегин кёрмейди.
- Адамны джюреги нени кёрюрге сюйсе, кёзю да аны кёрюрге ёч болады.
- Уллу сёлешме да, уллу къаб.
- Кёл – къызбай, къол – батыр.
- Ат басханны джер билед.
- Ётюрюкчюню шагъаты – къатында.
- Хар зат кесини орнуна иги.
- Аллахдан тилесенг, кёб тиле.
- Аманнга игилик этсенг, юйюнге сау бармазса.
- Харам къарнашдан, халал тенг ашхы.
- Къонакъ аз олтурур, кёб сынар.
- Ариуну – ауруу кёб.
- Агъач – джерни чырайы, кийим – эрни чырайы.
- Иги сёз – джаннга азыкъ, аман сёз башха – къазыкъ.
- Ёлюк кебинсиз къалмаз.
- Аманнга да, игиге да оноусуз къатышма.
- Сакъалы текени да бар, мыйыгъы киштикни да бар.
- Ёлюр джаннга, ёкюл джокъ.
- Тойгъа алгъа да барма, тойда артха да къалма.
- Кёл ашады да, кеси ашады.
- Этни бети бла шорпасы.
- Эрине къаргъыш этген къатын, эрнин къабар.
- Аякъларынгы джууургъанынга кёре узат.
- Джырына кёре эжиую.
- Ач къарынны, токъ билмез
- Ач келгенни – тойдур, кеч келгенни – къондур.
- Экеу тутушса, биреу джыгъылыр.
- Юйюнгден чыкъдынг – кюнюнгден чыкъдынг.
- От этилмеген джерден тютюн чыкъмайды.
- Джарлыны тону джаз битер.
- Зар адамны насыбы болмаз.
- Бёрю да ач къалмасын, эчки да ашалмасын.
- Ёмюрлюк шохлукъну джел элтмез.
- Сабий кёргенин унутмаз.
- Биреуге аманлыкъны тилеме да, кесинге ашхылыкъны тиле.
- Джаным-тиним – окъуу, билим.
- Ашха уста, юйюнде болсун
- Орундукъ тюбюнде атылсам да, орта джиликме, де да айлан.
- Киштикге къанат битсе, чыпчыкъ къалмаз эди.
- Къартны сыйын кёрмеген, къартлыгъында сыйлы болмаз.
- Ачлыкъда тары гырджын халыуадан татлы.
- Ишлерге уял да, ашаргъа табма.
- Джашлыкъ этмеген, башлыкъ этмез.
- Аллахха ийнаннган кишини, Аллах онгдурур ишин.
- Ашхы тенг джолгъа салыр, аман тенг джолдан тайдырыр.
- Байны оноуу, джарлыгъа джарамаз.
- Азыгъы аз, алгъа къабар, аты аман, алгъа чабар.
- Адам къаллай бир ишленмесе, аллай бир кесин уллу кёреди.
- Тамырсыз терекге таянма – джыгъылырса.
- Кечеси – аяз, кюню – къыш, джарлы къаргъагъа бир аш тюш!