- Эл ауузу – элек, анга ийнаннган – халек.
- Уллу атлама – абынырса, уллу къабма – къарылырса.
- Билим къая тешер.
- Ишленмеген джаш – джюгенсиз ат, ишленмеген къыз – тузсуз хант.
- Ётюрюкден тюбю джокъ, кёлтюрюрге джиби джокъ.
- Кёлсюзден сёзсюз тууар.
- Ата джурт – алтын бешик.
- Тил – миллетни джаны.
- Сютден ауузу кюйген, суугъа юфгюре эди.
- Къозулугъунда тоймагъан, къойлугъунда тоймаз.
- Къайгъы тюбю – тенгиз.
- Ана къолу ачытмаз.
- Сабий кёргенин унутмаз.
- Айтханы чапыракъдан ётмеген.
- Гугук кесини атын айтыб къычыргъанча, мен, мен деб нек тураса?
- Эки ойлашыб, бир сёлешген.
- Ёзденликни джайгъан – джокълукъ.
- Къатыны харакетли болса, эри къымсыз болур.
- Джылкъыдан – ат чыгъар, тукъумдан – джаш чыгъар.
- Кенгеш болса, уруш болмаз.
- Тин – байлыгъынг, терен саулугъунг.
- Тулпарлыкъ, билекден тюл – джюрекден.
- Билеги кючлю, бирни джыгъар, билими кючлю, мингни джыгъар.
- Эл ауузу – элия.
- Джарашыу сюйген – джалынчакъ.
- Мадар болса, къадар болур.
- Эр абынмай, эл танымаз.
- Бермеген къол, алмайды.
- Гырджын – тепсини тамадасы.
- Къарны аманнга къазан такъдырма, къолу аманнга от джакъдырма.
- Тик ёргени, тик энгишгеси да болады.
- Накъырда – кертини келечиси.
- Дуния малгъа сатылма, кесингден телиге къатылма.
- Къарт болгъан джерде, берекет болур, сабий болгъан джерде, оюн болур.
- Аманны тукъумуна къарама, игини тукъумун сорма.
- Башынга джетмегенни сорма.
- Ушамагъан – джукъмаз.
- Телиге акъыл салгъандан эсе, ёлгеннге джан салырса.
- Сууда джау джокъ, кёб сёзде магъана джокъ.
- Айырылгъанланы айю ашар, бёлюннгенлени бёрю ашар.
- Эшекге миннген – биринчи айыб, андан джыгъылгъан – экинчи айыб.
- Къая джолда джортма, ачыкъ сёзден къоркъма.
- Оюмсуз атлагъан, аджалсыз ёлюр.
- Душманны тышы – акъ, ичи – къара.
- Юйюнг бла джау болгъандан эсе, элинг бла джау бол.
- Кеси юйюмде мен да ханма.
- Тилчи бир сагъатха айлыкъ хата этер.
- Арбаз сайлама да, хоншу сайла.
- Таула не мийик болсала да, аууш табылыр.
- Тамырсыз терекге таянма – джыгъылырса.