Эльбрусоид :: Эльбрусоид

Тёрдеги кюлсе, эшикдеги ышарыр.
Сабийни джумушха джибер да, ызындан бар.
Джигер – джаннга къыйынлыкъ.
Хар ишни да аллы къыйынды.
Ёмюрлюк шохлукъну джел элтмез.
Сёз – кюмюш, джыр – алтын.
Бозаны арты дауур болур.
Джырына кёре эжиую.
Къарнынг ауруса, ауузунгу тый
Окъдан джара эртде-кеч болса да бителир, сёз джара, ёмюрге къалыр.
Иги – алгъыш этер, аман – къаргъыш этер.
Къулакъдан эсе, кёзге ышан.
Кийим тукъум сордурур.
Джылкъыдан – ат чыгъар, тукъумдан – джаш чыгъар.
Адамны аманы адамны бети бла ойнар.
Ашхы болсанг, атынг чыгъар, аман болсанг, джанынг чыгъар.
Билмезни кёзю кёрмез, этмезни къулагъы эшитмез.
Айранын берсенг, челегин да къызгъанма.
Чабар ат – джетген къыз.
Уруну арты – къуру.
Ана къолу ачытмаз.
Джыланны къуйругъундан басарынг келсе, аны башы болгъанын унутма.
Адебни адебсизден юрен.
Къонакъ аман болса, къонакъбай джунчур
Ёнгкюч къууана барыр, джылай келир.
Юй кюйдю да, кюйюз чыкъды, ортасындан тюйюш чыкъды.
Келлик заман – къартлыкъ келтирир, кетген заман – джашлыкъ ёлтюрюр.
Оюмсуз атлагъан, аджалсыз ёлюр.
Босагъагъа джууукъ орун болса, ашыгъыб тёрге озма.
Ачлыкъ отха секиртир.
Этим кетсе да, сюегим къалыр.
Абынмазлыкъ аякъ джокъ, джангылмазлыкъ джаякъ джокъ.
Джырчы ёлсе, джыры къалыр.
Телини эшигин, махтау джабар.
Дженгил джетерикме деб, узун джолну къоюб, къысхасын барма.
Эл ауузу – элек, анга ийнаннган – халек.
Тамырсыз терекге таянма – джыгъылырса.
Акъыл неден да кючлюдю.
Тенгинг джокъ эсе – изле, бар эсе – сакъла!
Ачлыкъда тары гырджын халыуадан татлы.
Джырчы джырчыгъа – къарнаш.
Таула не мийик болсала да, аууш табылыр.
Эр абынмай, эл танымаз.
Байлыкъдан саулукъ ашхыды.
Ач къарынны, токъ билмез
Нафысынгы айтханын этме, намысынгы айтханын эт.
Айныгъанлы алты кюн, тогъайгъанлы тогъуз кюн.
Айранны сюйген, ийнек тутар.
Аджалсыз ёлюм болмаз.
Баш болса, бёрк табылыр.