Эльбрусоид :: Эльбрусоид

Сакъалы текени да бар, мыйыгъы киштикни да бар.
Тенги кёбню джау алмаз, акъылы кёбню дау алмаз.
Къонагъынгы артмагъын алма да, алгъышын ал.
Байлыкъ келсе, акъыл кетер.
Аман эсирсе, юйюн ояр.
Ашатыргъа иш – ашхы, ишлетирге аш – ашхы.
Игини сыйлагъан адетди.
Кёбге таш атма.
Къыйынлы джети элни къайгъысын этер.
Ашхы болсанг, атынг чыгъар, аман болсанг, джанынг чыгъар.
Ёзденликни кёбю ётюрюк.
Телини эшигин, махтау джабар.
Джырчы джырчыгъа – къарнаш.
Джылыгъа джылан илешир.
Тил – кесген бычакъ, сёз – атылгъан окъ.
Арыгъан къош чамчы болур.
Сыфатында болмагъаны, суратында болмаз.
Джарлы джети элни сёзюн этер.
Билими азны – ауузунда кирит.
Тойгъанлыкъ къойгъа джарашады.
Иги бла джюрюсенг, джетерсе муратынга, аман бла джюрюсенг, къалырса уятха.
Чабакъсыз кёлге къармакъ салгъанлыкъгъа, чабакъ тутмазса.
Татлы сёз – балдан татлы.
Джырчы ёлсе, джыры къалыр.
Босагъа таш юйге кирмей эди, тыбыр таш эшикге чыкъмай эди.
Артына баргъанны, къатына барма.
Кийимни бир кюнню аясанг, минг кюннге джарар.
Насыб бютеу халкъны юлюшюдю.
Азыгъы аз, алгъа къабар, аты аман, алгъа чабар.
Джашны джигитлиги сорулур, къызны джигерлиги сорулур.
Таш ата билмеген, башына урур.
Окъугъан – асыу, окъумагъан – джарсыу.
Кёлю джокъну – джолу джокъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Адамны аты башхача, акъылы да башхады.
Келгинчи, къонакъ уялыр, келгенден сора, къонакъбай уялыр.
Аман адам этегингден тутса, кес да къач.
Тойгъа алгъа да барма, тойда артха да къалма.
Аууздан келген, къолдан келсе, ким да патчах болур эди.
Къар – келтирди, суу – элтди.
Баланы адам этген анады.
Арпа, будай – ащды, алтын, кюмюш а – ташды.
Билим къая тешер.
Адамны сабийин сюйген джюреги, бычакъча, джитиди.
Сёз садакъдан кючлюдю.
Ёлмесенг да, къарт дамы болмазса?
Алтыда кюлмеген, алтмышда кюлмез.
Тас болгъан бычакъны сабы – алтын.
Ата – баланы уясы.
Аджашхан тёгерек айланыр.