- Ашда уялгъан – мухар, ишде уялгъан – хомух.
- Кийиминг бла танылма, адамлыкъ бла таныл.
- Иги бла джюрюсенг, джетерсе муратынга, аман бла джюрюсенг, къалырса уятха.
- Биреуге аманлыкъны тилеме да, кесинге ашхылыкъны тиле.
- Келинин тута билмеген, къул этер, къызын тута билмеген, тул этер.
- Тура эдим джата, къайдан чыкъды хата?
- Эркишини аманы тиширыуну джылатыр.
- Ауузу бла къуш тута айланады.
- Къатын байлыкъны сюер, эр саулукъну сюер.
- Къолу уллу – асыу, аягъы уллу – джарсыу.
- Аш берме да, къаш бер.
- Бетинги сатма, малынгы сат.
- Тюкюрюк баш джармаз, налат кёз чыгъармаз!
- Ашхы атаны – джашы ашхы, ашхы ананы – къызы ашхы.
- Билимден уллу байлыкъ джокъду.
- Адеб джокъда, намыс джокъ.
- Ётюрюк хапар аякъ тюбю бла джюрюйдю.
- Бек анасы джыламаз.
- Къууут – джелге, берне – бошха.
- Намысы джокъну – дуниясы джокъ.
- Халкъны джырын джырласанг, халкъ санга эжиу этер.
- Душманны тышы – акъ, ичи – къара.
- Сабий болмагъан джерде, мёлек болмаз.
- Тёгюлген тюгел джыйылмайды.
- Билеги кючлю, бирни джыгъар, билими кючлю, мингни джыгъар.
- Билим – акъылны чырагъы.
- Къонакъ аз олтурур, кёб сынар.
- Биреуню эскиси биреуге джангы болмайды.
- Адамгъа аман кюн соруб келмейди.
- Къазанчы аман болса, къазаны къайнамаз.
- Ишленмеген джаш – джюгенсиз ат, ишленмеген къыз – тузсуз хант.
- «Ёгюз, джаргъа джууукъ барма, меннге джюк боллукъса», - дегенди эшек.
- Уллу къашыкъ эрин джыртар.
- Эллинг бла джау болсанг да, юйюнг бла джау болма.
- Окъугъанны бети джарыкъ.
- Тил джюрекге джол ишлейди.
- Ач отунчуну ачыуу – бурнунда.
- Айыбны суу бла джууалмазса.
- Суу ичген шауданынга тюкюрме.
- Ханы къызы буюгъа-буюгъа киштик болду.
- Элде адам къалмаса, ит тахтагъа минер.
- Джахил болса анасы, не билликди баласы?
- Тёзгеннге, джабылгъан эшик ачылыр.
- Эр сокъур болсун, къатын тилсиз болсун.
- Джети тилни билген джети кишиди.
- Чомарт къонакъ юй иесин сыйлар.
- Арба аугъандан сора, джол кёргюзтюучю кёб болур.
- Акъыллы башны – тили къысха.
- Дуния аламаты сен эсенг да, игиме деб айтма.
- Шапа кёб болса, аш татымсыз болур.