Эльбрусоид :: Эльбрусоид

Къарын къуру болса, джюрек уру болур.
Хазыр ашха – терен къашыкъ.
Таш бла ургъанны, аш бла ур.
Игиге айтсанг – билир, аманнга айтсанг – кюлюр.
Акъыл бла адеб эгизледиле.
Тилчиден кери бол.
Эртде тургъан бла эртде юйленнген сокъуранмаз.
Джахил болса анасы, не билликди баласы?
Мал ёлсе, сюек къалыр, адам ёлсе, иши къалыр.
Кёб джат да, бек чаб.
Джарлыны эшигин махтагъан джабар.
Къуру гыбыт бек дыгъырдар.
Игини сыйлагъан адетди.
Эли джокъну – кёлю джокъ.
Мен да «сен», дейме, сен да «кесим», дейсе.
Иги – алгъыш этер, аман – къаргъыш этер.
Ата Джуртун танымагъан, атасын да танымаз.
Чомартны къолу берекет.
Бал чибинни ургъаны – ачы, балы – татлы.
Бал – татлы, балдан да бала – татлы.
Аман эсирсе, юйюн ояр.
Аман хансны – урлугъу кёб.
Суу кетер, таш къалыр.
Джети тилни билген джети кишиди.
Джюрекден джюрекге джол барды.
Къонакъ кёб келюучю юйню, къазаны отдан тюшмез.
Сакъ юйюне сау барыр.
Къартны сыйын кёрмеген, къартлыгъында сыйлы болмаз.
Аманны къуугъан, аманлыкъ табар.
Аш берме да, къаш бер.
Аманны тукъумуна къарама, игини тукъумун сорма.
Аман къатын сабий табса, бий болур…
Ана къолу ачытмаз.
Тулпарлыкъ, билекден тюл – джюрекден.
Тели турса – той бузар.
Биреуге аманлыкъны тилеме да, кесинге ашхылыкъны тиле.
Къоркъакъны кёзю экили кёрюр.
Юре билмеген ит, къонакъ келтирир.
Эркишиге тары кебек танг кёрюнюр.
Этим кетсе да, сюегим къалыр.
Керек ташны ауурлугъу джокъ.
Эркиши – от, тиширыу – суу.
Сёлеш деб шай берген, тохта деб, сом берген.
Тил джюрекге джол ишлейди.
Байны къызы баймакъ болса да, юйде къалмаз!
Айтылгъан сёз ызына къайтмаз.
Аман къатын алгъан, арыр, иги къатын алгъан джарыр.
Аманнга алтын чыдамаз.
Чакъырылмагъан къонакъ тёрге атламаз.
Арпа, будай – ащды, алтын, кюмюш а – ташды.