- Тилсиз миллет джокъ болур.
- Ашда уялгъан – мухар, ишде уялгъан – хомух.
- Халкъгъа джарагъан, джарлы къалмаз.
- Джуртун къоругъан озар.
- Накъырда – кертини келечиси.
- Алгъанда – джууукъ, бергенде – джау.
- Суу да къайтады чыкъгъан джерине.
- Зарда марда джокъ.
- Суугъа – чабакъ, къаягъа – ыргъакъ.
- Кийимни бичсенг, кенг бич, тар этген къыйын тюлдю.
- Аз айтсам, кёб ангылагъыз.
- Ашхы адам – халкъ байлыгъы, ашхы джер – джашау байлыгъы.
- Кюлме джашха – келир башха.
- Малны кют, джерни тюрт.
- Намыс болмагъан джерде, насыб болмаз.
- Тилде сюек болмаса да, сюек сындырыр.
- Чакъырылмагъан джерге барма, чакъырылгъан джерден къалма.
- Акъыллы башны – тили къысха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джогъун бар этген, барын бал этген.
- Кёз – сюйген джерде, къол – ауругъан джерде.
- Ойнаб айтсанг да, эслеб айт.
- Ашын ашагъанынгы, башын да сыйла.
- Къууут – джелге, берне – бошха.
- Джырчы джырчыгъа – къарнаш.
- Таугъа чыгъаллыкъ эсенг, тюзде къалма.
- Ашлыкъны арба юйге келтирир, чана базаргъа элтир.
- Ёлген аслан – сау чычхан.
- Атлыны кёрсе, джаяуну буту талыр.
- Эки къатын алгъанны къулагъы тынгнгаймаз.
- Къонагъынгы артмагъын алма да, алгъышын ал.
- Къонакъ болсанг, ийнакъ бол.
- Джаханимни кёрмей, джандетге кёл салмазса.
- Къатын къылыкъсыз, эр тынчлыкъсыз.
- Игиге айтсанг – билир, аманнга айтсанг – кюлюр.
- Aдам боллукъ, сыфатындан белгили.
- Адамны артындан къара сабан сюрме.
- Юйюнгден чыкъдынг – кюнюнгден чыкъдынг.
- Келинни – келгинчи, бёркню кийгинчи кёр.
- Акъыллы эркиши атын махтар, акъылсыз эркиши къатынын махтар.
- Билим – акъылны чырагъы.
- Ишни ахырын ойламай, аллын башлама.
- Юй кюйдю да, кюйюз чыкъды, ортасындан тюйюш чыкъды.
- Билгенни къолу къарны джандырыр.
- Орну джокъну – сыйы джокъ.
- Кёзню ачылгъаны – иги, ауузну джабылгъаны – иги.
- Ач уят къоймаз.
- Кёпюр салгъан кеси ётер, уру къазгъан кеси кетер.
- Рысхы – насыбха къор.
- Акъыл сабырлыкъ берир.