- Эл ауузу – элия.
- Тилде сюек болмаса да, сюек сындырыр.
- Эли джокъну – кёлю джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Ётюрюкню къуйругъу – бир тутум.
- Тойгъандан сора, ашны сёкме.
- Ишлегенден, къарагъан уста.
- Аман адамны тепсинге олтуртсанг, къызынгы тилер.
- Иги адамны бир сёзю эки болмаз.
- Къонакъ кёб келюучю юйню, къазаны отдан тюшмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тил джюрекге джол ишлейди.
- Уруну арты – къуру.
- Адебсиз адам – джюгенсиз ат.
- Джарлы тюеге минсе да, ит къабар.
- Тынгылагъан тынгы бузар.
- Кёз – сюйген джерде, къол – ауругъан джерде.
- Джети тилни билген джети кишиди.
- Эл тойса, тоймагъан, эл къойса, къоймагъан.
- Кесине гебен этелмеген, биреуге черен эте эди.
- Тил бла келеди джыр да.
- Къалгъан ишге къар джауар.
- Адамны сабийин сюйген джюреги, бычакъча, джитиди.
- Окъумагъан сокъурду, сокъур ташха абыныр!
- Биреуню къыйынлыгъы бла кесинге джол ишлеме.
- Аман къатын сабий табса, бий болур…
- Терслик кетер, тюзлюк джетер.
- Узун джолну барсанг, бюгюн келирсе, къысха джолну барсанг, тамбла келирсе.
- Тюз сёз баргъан сууну тыяр.
- Джахил болса анасы, не билликди баласы?
- Иесиз малны бёрю ашар.
- Рысхы джалгъанды: келген да этер, кетген да этер.
- Ачлыкъда тары гырджын халыуадан татлы.
- От этилмеген джерден тютюн чыкъмайды.
- Арбаз сайлама да, хоншу сайла.
- Адебни адебсизден юрен.
- Кесинге джетмегенни, кёб сёлешме.
- Хар зат кесини орнуна иги.
- Кенгеш болса, уруш болмаз.
- Ауругъанны сау билмез, ач къарынны токъ билмез.
- Тёгюлген тюгел джыйылмайды.
- Чомартны къолу берекет.
- Хар ишни да аллы къыйынды.
- Билим – акъылны чырагъы.
- Ёлген аслан – сау чычхан.
- Кёл ашады да, кеси ашады.
- Ашхы болсанг, атынг чыгъар, аман болсанг, джанынг чыгъар.
- Мал тутхан – май джалар.
- Хар адамгъа кеси миннген тау кибик.
- Сёз къанатсыз учар.