Эльбрусоид :: Эльбрусоид

Ауузу аманнга «иги», деме.
Джырчы ёлсе, джыры къалыр.
Къайгъыны сюйген, къайгъы табар.
Ач уят къоймаз.
Къатын къылыкъсыз, эр тынчлыкъсыз.
Сакъламагъан затынга джолукъсанг, не бек къууанаса, не бек ачыйса.
Акъыл аздырмаз, билим тоздурмаз.
Адамны артындан къара сабан сюрме.
Тиширыусуз юй – отсуз от джагъа.
Кесинге джетмегенни, кёб сёлешме.
Ёксюзню къалачы уллу кёрюнюр.
Керилген да, ургъан кибикди.
Ач – эснер, ат – кишнер.
Игиге айтсанг – билир, аманнга айтсанг – кюлюр.
Джетген къыз джерли эшекни танымаз.
Эринчекни аурууу – кёб.
Кёзню ачылгъаны – иги, ауузну джабылгъаны – иги.
Ишни аллы бла къууанма да, арты бла къууан.
Адамны джюреги нени кёрюрге сюйсе, кёзю да аны кёрюрге ёч болады.
Аджашхан тёгерек айланыр.
Къонакъ кёб келюучю юйню, къазаны отдан тюшмез.
Баш болса, бёрк табылыр.
Окъуу – билимни ачхычы, окъуу – дунияны бачхычы.
Ханнга да келеди хариблик.
Орундукъ тюбюнде атылсам да, орта джиликме, де да айлан.
Эшекге миннген – биринчи айыб, андан джыгъылгъан – экинчи айыб.
Сакъ юйюне сау барыр.
Бал ашаргъа сюе эсенг, чибин ургъаннга тёз.
Къарны аманнга къазан такъдырма, къолу аманнга от джакъдырма.
Хантына кёре тузу, юйюне кёре къызы.
Арбаз сайлама да, хоншу сайла.
Чомартны къолун джокълукъ байлар.
Бек ашыкъгъан меннге джетсин, дегенди аракъы.
Эрни эр этерик да, къара джер этерик да, тиширыуду.
Джаным-тиним – окъуу, билим.
Къызны минг тилер, бир алыр.
Къралынгы – душмандан, башынгы от бла суудан сакъла.
Тик ёргени, тик энгишгеси да болады.
Юйлю уругъа ит чабмаз.
Тешик этген тынчды, аны джамагъан къыйынды.
Къыйынлы джети элге оноу этер.
Къарнынг къанлынга кийирир.
Терек ауса, отунчу – кёб.
Адеб базарда сатылмаз.
Экиндини кеч къылсанг, чабыб джетер ашхам.
Джангыз торгъай джырламаз.
Аууз сакълагъан – джан сакълар.
Ёгюзню мюйюзлери ауурлукъ этмейдиле.
Адам боллукъ, атламындан белгили болур.
Бозанг болмагъан джерге, къалагъынгы сукъма.