Эльбрусоид :: Эльбрусоид

Биреу ашаб къутулур, биреу джалаб тутулур.
Халкъны юйю – туугъан джери.
Аякъларынгы джууургъанынга кёре узат.
Намысы джокъну – дуниясы джокъ.
Адам къаллай бир ишленмесе, аллай бир кесин уллу кёреди.
Уллу атлама – абынырса, уллу къабма – къарылырса.
Къызбайны юйюне дери сюрсенг, батыр болур.
Ашхы – джыяр, аман – джояр.
Иги – алгъыш этер, аман – къаргъыш этер.
Эшекге миннген – биринчи айыб, андан джыгъылгъан – экинчи айыб.
Тилсиз миллет джокъ болур.
От этилмеген джерден тютюн чыкъмайды.
Келинин тута билмеген, къул этер, къызын тута билмеген, тул этер.
Ачылгъан эт джабылыр, кёрген кёз унутмаз.
Тынгылагъан тынгы бузар.
Арбаз сайлама да, хоншу сайла.
Хата – гитчеден.
Бёрю да ач къалмасын, эчки да ашалмасын.
Эринчекни аурууу – кёб.
Аманнга алтын чыдамаз.
Тилчиден кери бол.
Ашда уялгъан – мухар, ишде уялгъан – хомух.
Къоркъакъны кёзю экили кёрюр.
Аджашханны ызындагъы кёреди, джангылгъанны джанындагъы биледи.
Суу да къайтады чыкъгъан джерине.
Джырчы джырчыгъа – къарнаш.
Алим болгъандан эсе, адам болгъан къыйынды.
Игини сыйлагъан адетди.
Насыблы элин сюер, насыбсыз кесин сюер.
Къарнынг къанлынга кийирир.
Ач – эснер, ат – кишнер.
Зар адамны насыбы болмаз.
Эки итни арасына сюек атма, эки адамны арасында сёз чыгъарма.
Кёбден умут этиб, аздан къуру къалма.
Кёлю джокъну – джолу джокъ.
Джарлы джети элни сёзюн этер.
Джарашыу сюйген – джалынчакъ.
Сакъалы текени да бар, мыйыгъы киштикни да бар.
Алтыннга тот къонмаз.
Акъыл аздырмаз, билим тоздурмаз.
Аман къатын сабий табса, бий болур…
Джуртун къоругъан озар.
Ариу – кёзге, акъыл – джюрекге.
Кёл ашады да, кеси ашады.
Ач къарынны, токъ билмез
Тойгъа алгъа да барма, тойда артха да къалма.
Мадар болса, къадар болур.
Кесине гебен этелмеген, биреуге черен эте эди.
Ашына кёре табагъы, балына кёре къалагъы.
Бети къызарыучу адамны, джюреги харам болмаз.