- Ашхы – джыяр, аман – джояр.
- Сабий болмагъан джерде, мёлек болмаз.
- Билим насыб берир, билим джолну керир.
- Чакъырылмай келген къонакъ сыйланмай кетер.
- Мал тутхан – май джалар.
- Джол бла сёзню къыйыры джокъ.
- Къар – келтирди, суу – элтди.
- Этни бети бла шорпасы.
- Ауругъанны сау билмез, ач къарынны токъ билмез.
- Таш ата билмеген, башына урур.
- Атлыны ашхысы, ат тизгининден билинир
- Аджашханны ызындагъы кёреди, джангылгъанны джанындагъы биледи.
- Ишлерге уял да, ашаргъа табма.
- Чомартха Тейри да борчлуду.
- Гырджын – тепсини тамадасы.
- Адам боллукъ, атламындан белгили болур.
- Хар зат кесини орнуна иги.
- Джюрек кёзден алгъа кёрюр.
- Мураты болгъанны джюрек тебюую башхады.
- Тенгни тенглиги джашай барсанг билинир.
- Ашын ашагъанынгы, башын да сыйла.
- Аман эсирсе, юйюн ояр.
- Байлыкъ адамны сокъур этер.
- Эрине къаргъыш этген къатын, эрнин къабар.
- Бети – къучакълар, джюреги – бычакълар.
- Ишни аллы бла къууанма да, арты бла къууан.
- Эм ашхы къайын ана мамукъ бла башынгы тешер.
- Биреуню эскиси биреуге джангы болмайды.
- Джаралыны джастыгъында сау ёлюр.
- Огъурлуну сёзю – суу, огъурсузну сёзю – уу.
- Къызгъанчдан ычхыныр, мухардан ычхынмаз.
- Джангызны оту джарыкъ джанмаз!
- Нарт сёз къарт болмаз.
- Окъугъан – асыу, окъумагъан – джарсыу.
- Джюз элде джюз ёгюзюм болгъандан эсе, джюз джууугъум болсун.
- Олтуруб кёрюнмей эди да, ёрге туруб кёрюне эди.
- Ётюрюк хапар аякъ тюбю бла джюрюйдю.
- Джети тилни билген джети кишиди.
- Тилчи тилден къаныкъмаз.
- Биреу ашаб къутулур, биреу джалаб тутулур.
- Ёлюр джаннга, ёкюл джокъ.
- Адамгъа аман кюн соруб келмейди.
- Келлик заман – къартлыкъ келтирир, кетген заман – джашлыкъ ёлтюрюр.
- Сабийликде юретмесенг, уллу болса – тюзелмез.
- Гугук кесини атын айтыб къычыргъанча, мен, мен деб нек тураса?
- Билген билмегенни юретген адетди.
- Ёзденликни джайгъан – джокълукъ.
- Кёб джашагъан – кёб билир.
- От этилмеген джерден тютюн чыкъмайды.
- Биреуге аманлыкъны тилеме да, кесинге ашхылыкъны тиле.