Эльбрусоид :: Эльбрусоид

Джуртун къоругъан озар.
Ач, тоймам, дейди, тойгъан, ач болмам, дейди.
Этни бети бла шорпасы.
Элге къуллукъ этмеген, элге ие болмаз.
Адеб этмеген, адеб кёрмез.
Окъугъанны бети джарыкъ.
Ишге юренсин къоллары, халкъ бла болсун джоллары.
Аджашханны ызындагъы кёреди, джангылгъанны джанындагъы биледи.
Тёрдеги кюлсе, эшикдеги ышарыр.
Таугъа чыгъаллыкъ эсенг, тюзде къалма.
Акъылсызны джууукъгъа алма, акъыллыны кенгнге салма.
Гыдай эчки суугъа къараб, мюйюзле кёрмесе, джашма алкъын, дегенди.
Баш болса, бёрк табылыр.
Тамбла алтындан бюгюн багъыр ашхы.
Ана – юйню кюн джарыгъы.
Мухардан ач ычхынмаз.
Ачыу алгъа келсе, акъыл артха къалады.
Биреуню къыйынлыгъы бла кесинге джол ишлеме.
Ашыкъгъанны этеги бутуна чырмалыр.
Эм уллу байлыкъ – джан саулукъ.
Керек ташны ауурлугъу джокъ.
Тил – миллетни джаны.
Эркишиге тары кебек танг кёрюнюр.
Къуллукъчума, деб махтанма, къуллукъ – хаух джамчыды!
Ат басханны джер билед.
Эшекге миннген – биринчи айыб, андан джыгъылгъан – экинчи айыб.
Тойгъан джерге джети къайт.
Магъанасыз сёз – тауушсуз сыбызгъы.
Къартха ушагъан джаш – акъыллы, джашха ушагъан къарт – тели.
Зар адам ашынгы ашар, кесинги сатар.
Ариу сёз джыланны орнундан чыгъарыр.
Алма терегинден кери кетмез.
Эр сокъур болсун, къатын тилсиз болсун.
Бермеген къол, алмайды.
Адамны аты башхача, акъылы да башхады.
Уллу суу бла уллу ауруудан башынгы сакъла.
Нарт сёз – тилни бети.
Сангырау къулакъ эл бузар.
Къар – келтирди, суу – элтди.
Джаралыны джастыгъында сау ёлюр.
Къазанчы аман болса, къазаны къайнамаз.
Джырына кёре эжиую.
Кёлю джокъну – джолу джокъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Намысы болмагъанны, сыйы болмаз.
Тенги кёбню джау алмаз, акъылы кёбню дау алмаз.
Ана къолу ачытмаз.
Иесиз малны бёрю ашар.
Ишленмеген джаш – джюгенсиз ат, ишленмеген къыз – тузсуз хант.
Къонакъ кёб келюучю юйню, къазаны отдан тюшмез.