- Суу ичген шауданынга тюкюрме.
- Этим кетсе да, сюегим къалыр.
- Аякъларынгы джууургъанынга кёре узат.
- Кенгеш болса, уруш болмаз.
- Бек ашыкъгъан меннге джетсин, дегенди аракъы.
- Иесиз малны бёрю ашар.
- Илму – джашауну джолу.
- Кютгени беш эчки, сызгъыргъаны уа, джерни джарады.
- Игини сыйлагъан адетди.
- Адамны бетине къарама, адетине къара.
- Эки къатын алгъан – эки ташны ортасына башын салгъан.
- Тюзлюк тас болмайды.
- Итли къонакъ джарашмаз.
- Къанны къан бла джуума, аманны аман бла къуума.
- Тин – байлыгъынг, терен саулугъунг.
- Ашхылыкъ джерде джатмайды, аманлыкъ суугъа батмайды.
- Кёбден умут этиб, аздан къуру къалма.
- Тёрде – темир таякълы, къаяда – чыпчыкъ аякълы.
- Садакъачыны джаны – къапчыгъында.
- Акъыллы айтыр эди, акъылсыз къоймайды.
- Керти сёзге тёре джокъ.
- Aдам боллукъ, сыфатындан белгили.
- Гырджын – тепсини тамадасы.
- Иги бла джюрюсенг, джетерсе муратынга, аман бла джюрюсенг, къалырса уятха.
- «Ма», - дегенни билмесенг, «бер», - дегенни билмезсе.
- Ханы къызы буюгъа-буюгъа киштик болду.
- Адебсиз адам – джюгенсиз ат.
- Джюз элде джюз ёгюзюм болгъандан эсе, джюз джууугъум болсун.
- Чыбыкълыкъда бюгюлмеген, къазыкълыкъда бюгюлмей эди.
- Ышармагъан – кюлмез, кюлмеген – къууанчны билмез.
- Ишлегенде эринме, ишде чолакъ кёрюнме.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тойгъанлыкъ къойгъа джарашады.
- Ичимден чыкъды хата, къайры барайым сата?
- Айныгъанлы алты кюн, тогъайгъанлы тогъуз кюн.
- Чакъырылмай келген къонакъ сыйланмай кетер.
- Ашатыргъа иш – ашхы, ишлетирге аш – ашхы.
- Адамны артындан къара сабан сюрме.
- Ишленмеклик адамлыкъды.
- Джигер – джаннга къыйынлыкъ.
- Уясында не кёрсе, учханында аны этер.
- Ана кёлю – балада, бала кёлю – талада.
- Ата – билек, ана – джюрек!
- Хазыр ашха – терен къашыкъ.
- Къарт болгъан джерде, берекет болур, сабий болгъан джерде, оюн болур.
- Чакъырылмагъан къонакъ къачан кетерин сормаз.
- Бёрю да ач къалмасын, эчки да ашалмасын.
- «Ёгюз, джаргъа джууукъ барма, меннге джюк боллукъса», - дегенди эшек.
- Ётюрюк хапар аякъ тюбю бла джюрюйдю.
- Ашда – бёрю, ишде – ёлю.