- Билгенни къолу къарны джандырыр.
- Джарлы джети элни сёзюн этер.
- Акъыл неден да кючлюдю.
- Шайтан алдады, тюзлюк къаргъады.
- Тенги кёбню джау алмаз, акъылы кёбню дау алмаз.
- Кёбден умут этиб, аздан къуру къалма.
- Босагъагъа джууукъ орун болса, ашыгъыб тёрге озма.
- Джюз элде джюз ёгюзюм болгъандан эсе, джюз джууугъум болсун.
- Адам боллукъ, атламындан белгили болур.
- Алтыда кюлмеген, алтмышда кюлмез.
- Чомарт джарлы болмаз.
- Джаз бир кюнню джатсанг, къыш талай кюнню абынырса.
- Экеу тутушса, биреу джыгъылыр.
- Мухарны эси – ашарыкъда.
- Кюн – узун, ёмюр – къысха.
- Къарнынг тойгъунчу аша да, белинг талгъынчы ишле.
- Аякъларынгы джууургъанынга кёре узат.
- Джаралыны джастыгъында сау ёлюр.
- Намыс сатылыб алынмайды.
- Кёзню ачылгъаны – иги, ауузну джабылгъаны – иги.
- Келгинчи, къонакъ уялыр, келгенден сора, къонакъбай уялыр.
- Рысхысына кёре, джаш ёсер, къышлыгъына кёре, мал ёсер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бойнуму джети джерден кессенг да, мен ол ишни этеллик тюлме.
- Джаханимни кёрмей, джандетге кёл салмазса.
- Чабар ат – джетген къыз.
- Къарын къуру болса, джюрек уру болур.
- Тас болгъан бычакъны сабы – алтын.
- Адебсиз адам – джюгенсиз ат.
- Ачылгъан эт джабылыр, кёрген кёз унутмаз.
- Кёрмегеннге кебек – танг, битмегеннге сакъал – танг.
- Дуния мал дунияда къалады.
- Кёкдеги болмаса, джердегин кёрмейди.
- Айтхан – тынч, этген – къыйын.
- Иги – алгъыш этер, аман – къаргъыш этер.
- Аман адам элни бир-бирине джау этер.
- Къууут – джелге, берне – бошха.
- Дуния малгъа сатылма, кесингден телиге къатылма.
- Джети тилни билген джети кишиди.
- Эл ауузу – элия.
- Эл ауузу – элек, анга ийнаннган – халек.
- Джашны джигитлиги сорулур, къызны джигерлиги сорулур.
- Берекет берсин деген джерде, берекет болур.
- Кёз – сюйген джерде, къол – ауругъан джерде.
- Джауумдан сора, кюн кюйдюрюр, ётюрюкден сора, айыб кюйдюрюр.
- Элде адам къалмаса, ит тахтагъа минер.
- Адамны аты башхача, акъылы да башхады.
- Эки итни арасына сюек атма, эки адамны арасында сёз чыгъарма.
- Хантына кёре тузу, юйюне кёре къызы.
- Къазанчы аман болса, къазаны къайнамаз.
День Победы 2013
10.05.2013