- Тай асырагъан, атха минер.
- Джарлы эскисин джамаса, къууаныр.
- Адамны бетине къарама, адетине къара.
- Ышармагъан – кюлмез, кюлмеген – къууанчны билмез.
- Ач къалгъандан, кеч къалгъан къолай.
- Ашхы сёз таш тешер.
- Чабакъгъа акъыл, табагъа тюшсе келеди.
- Терслик кетер, тюзлюк джетер.
- Душманны тышы – акъ, ичи – къара.
- Биреу къой излей, биреу той излей.
- Сёз къанатсыз учар.
- Ач келгенни – тойдур, кеч келгенни – къондур.
- Хар адамгъа кеси миннген тау кибик.
- Билгенни къолу къарны джандырыр.
- Адеб джокъда, намыс джокъ.
- Ариу джол аджал келтирмез.
- Таш ата билмеген, башына урур.
- Адам сёзюнден белгили.
- Джангыз терек къынгыр ёсер.
- Таугъа чыгъаллыкъ эсенг, тюзде къалма.
- Къыйынлы джети элни къайгъысын этер.
- Эм ашхы къайын ана мамукъ бла башынгы тешер.
- Къартны сыйын кёрмеген, къартлыгъында сыйлы болмаз.
- Оюмсуз атлагъан, аджалсыз ёлюр.
- Аш иеси бла татлыды.
- Байлыкъ келсе, акъыл кетер.
- Юреннген ауруу къалмаз.
- Чомарт бергенин айтмаз.
- Ариу сёз – къылычдан джити.
- Бюгюн дуния кибик, тамбла ахыратды.
- Соргъан айыб тюлдю, билмеген айыбды.
- Чабар ат – джетген къыз.
- Тик ёргени, тик энгишгеси да болады.
- Сормай – алма, чакъырылмай – барма.
- Сабийликде юретмесенг, уллу болса – тюзелмез.
- Эринчекни аурууу – кёб.
- Ёнгкюч къууана барыр, джылай келир.
- Биреуге аманлыкъны тилеме да, кесинге ашхылыкъны тиле.
- Сибиртки да сыйлы болду, кюрек да кюнлю болду.
- Игиге айтсанг – билир, аманнга айтсанг – кюлюр.
- Къызын тута билмеген, тул этер, джашын тута билмеген, къул этер.
- Садакъачыны джаны – къапчыгъында.
- Элге къуллукъ этмеген, элге ие болмаз.
- Иги сёз – джаннга азыкъ, аман сёз башха – къазыкъ.
- Шекер бла туз – бир болмаз, ушамагъан – юй болмаз.
- Чакъырылмагъан къонакъ – орунсуз.
- Хантына кёре тузу, юйюне кёре къызы.
- Чакъырылмагъан къонакъ къачан кетерин сормаз.
- Сескекли кесин билдирир.
- Ат басханны джер билед.