- Адам туугъан джеринде, ит тойгъан джеринде.
- Болджал ишни бёрю ашар.
- Айыбны суу бла джууалмазса.
- Суу кетер, таш къалыр.
- Кёл – къызбай, къол – батыр.
- Ат да турмайды бир териде.
- Алтыда кюлмеген, алтмышда кюлмез.
- Къонагъынгы артмагъын алма да, алгъышын ал.
- Ач – эснер, ат – кишнер.
- Экиндини кеч къылсанг, чабыб джетер ашхам.
- Сютню башын джалагъан къутулур, тюбюн ичген тутулур.
- Садакъачыны джаны – къапчыгъында.
- Ауругъан – джашаудан умутчу.
- Киштикге къанат битсе, чыпчыкъ къалмаз эди.
- Кёзню ачылгъаны – иги, ауузну джабылгъаны – иги.
- Гырджын – тепсини тамадасы.
- Тулпарлыкъ, билекден тюл – джюрекден.
- Айраннга суу къош, телиге джол бош.
- Билген билмегенни юретген адетди.
- Тёзген – тёш ашар!
- Таякъ этден ётер, тил сюекден ётер.
- Ашатыргъа иш – ашхы, ишлетирге аш – ашхы.
- Нёгерсизни джолу узун.
- Элни кючю – эмеген.
- Джетген къыз джерли эшекни танымаз.
- Джумушакъ терекни къурт ашар.
- Акъыл неден да кючлюдю.
- Къарнынг къанлынга кийирир.
- Атлыны кёрсе, джаяуну буту талыр.
- Къанны къан бла джуума, аманны аман бла къуума.
- Биреуге кёлтюрген таягъынг, кесинги башынга урур.
- Кёб джат да, бек чаб.
- Билимден уллу байлыкъ джокъду.
- Чабар ат – джетген къыз.
- Дуния малгъа сатылма, кесингден телиге къатылма.
- Ауурну тюбю бла, дженгилни башы бла джюрюген.
- Элиб деген, элге болушур.
- Юйюнгден чыкъдынг – кюнюнгден чыкъдынг.
- Эки къатын алгъанны къулагъы тынгнгаймаз.
- Ач да бол, токъ да бол – намысынга бек бол.
- Уллу атлама – абынырса, уллу къабма – къарылырса.
- Халкъгъа джарагъан, джарлы къалмаз.
- Джарлы тюеге минсе да, ит къабар.
- Ишни ахырын ойламай, аллын башлама.
- Абынмазлыкъ аякъ джокъ, джангылмазлыкъ джаякъ джокъ.
- Джыгъылгъанны сырты джерден тоймаз.
- Къарны аманнга къазан такъдырма, къолу аманнга от джакъдырма.
- Ёгюзню мюйюзюнден тутадыла, адамны сёзюнден тутадыла.
- Ата Джуртча джер болмаз, туугъан элча эл болмаз.
- Мухардан ач ычхынмаз.
Че
10.06.2013