- Айран тёгюлсе, джугъусу къалыр.
- Азыгъы аз, алгъа къабар, аты аман, алгъа чабар.
- Тилчи тилден къаныкъмаз.
- Алма терегинден кери кетмез.
- Джаралыны джастыгъында сау ёлюр.
- Къарт болгъан джерде, берекет болур, сабий болгъан джерде, оюн болур.
- Чабакъ башындан чирийди.
- Чакъырылмагъан къонакъ къачан кетерин сормаз.
- Ариу сёз аурууунгу алыр.
- Телиге от эт десенг, юйюнге от салыр.
- Юреннген ауруу къалмаз.
- Сууда джау джокъ, кёб сёзде магъана джокъ.
- Джылар джаш, атасыны сакъалы бла ойнар.
- Кирсизни – саны таза, халалны – къаны таза.
- Хар сёзню орну барды.
- Тели турса – той бузар.
- Тенги кёбню джау алмаз, акъылы кёбню дау алмаз.
- Билим къая тешер.
- Ачылгъан эт джабылыр, кёрген кёз унутмаз.
- Сютню башын джалагъан къутулур, тюбюн ичген тутулур.
- Ашхы болсанг, атынг чыгъар, аман болсанг, джанынг чыгъар.
- Ётюрюкню башын керти кесер.
- Атадан ёксюз – бир ёксюз, анадан ёксюз – эки ёксюз.
- Чыбыкълыкъда бюгюлмеген, къазыкълыкъда бюгюлмей эди.
- Аман киши кеси юйюнде – къонакъ.
- Аджал соруб келмез, келсе, къайтыб кетмез.
- Юре билмеген ит, къонакъ келтирир.
- Туз, гырджын аша, тюзлюк бла джаша.
- Магъанасыз сёз – тауушсуз сыбызгъы.
- Джиби бир къат джетмей эди да, эки къат тарта эди.
- Эм ашхы къайын ана мамукъ бла башынгы тешер.
- Аурууну келиую тынч, кетиую – къыйын.
- Минг тенг да азды, бир джау да кёбдю.
- Тюзню ётмеги тюзде къалса да, тас болмаз.
- Адеб джокъда, намыс джокъ.
- Кийимни бичсенг, кенг бич, тар этген къыйын тюлдю.
- Эллинг бла джау болсанг да, юйюнг бла джау болма.
- Ишге юренсин къоллары, халкъ бла болсун джоллары.
- Билмегенинги, билгеннге сор.
- Акъдан къара болмаз.
- Таукел къуру къалмаз.
- Ауругъан – джашаудан умутчу.
- Керек ташны ауурлугъу джокъ.
- Мал кёб болса, джууукъ кёб болур.
- Билим – акъылны чырагъы.
- Адеб этмеген, адеб кёрмез.
- Эл ауузу – элек, анга ийнаннган – халек.
- Ата – баланы уясы.
- Терек ауса, отунчу – кёб.
- Къазанны башы ачыкъ болса, итге уят керекди.
Че
10.06.2013