- Эки итни арасына сюек атма, эки адамны арасында сёз чыгъарма.
- Бал ашаргъа сюе эсенг, чибин ургъаннга тёз.
- Онгсузну – джакъла, тенгликни – сакъла.
- Окъугъан озар, окъумагъан тозар.
- Чыкълы кюнде чыкъмагъан, чыкъса къуру кирмеген.
- Гугурук къычырмаса да, тангны атары къалмаз.
- Эр сокъур болсун, къатын тилсиз болсун.
- Билимли ёлмез, билимсиз кёрмез.
- Телиге акъыл салгъандан эсе, ёлгеннге джан салырса.
- Ёзденликни кёбю ётюрюк.
- Бир онгсуз адам адет чыгъарды, деб эштирик тюлсе.
- Ойнай-ойнай кёз чыгъар.
- Итли къонакъ джарашмаз.
- Тёрде – темир таякълы, къаяда – чыпчыкъ аякълы.
- Мухар, кеси тойса да, кёзю тоймаз.
- Ариу сёз – джаннга азыкъ, аман сёз – башха къазыкъ.
- Ханнга да келеди хариблик.
- Къарын къуру болса, джюрек уру болур.
- Къууут – джелге, берне – бошха.
- Байлыкъ адамны сокъур этер.
- Кёз – сюйген джерде, къол – ауругъан джерде.
- Ачыкъ джюрекге джол – ачыкъ.
- Аман адам элни бир-бирине джау этер.
- Насыб бютеу халкъны юлюшюдю.
- Чакъырылгъанны аты, чакъырылмагъанны багъасы болур.
- Кюл тюбюндеги от кёрюнмейди.
- Борчунг бар эсе, хурджунунга ойлаб узал.
- Тиширыусуз юй – отсуз от джагъа.
- Алма терегинден кери кетмез.
- Кёлю джокъну – джолу джокъ.
- «Ма», - дегенни билмесенг, «бер», - дегенни билмезсе.
- Адеб этмеген, адеб кёрмез.
- Азыгъы аз, алгъа къабар, аты аман, алгъа чабар.
- Тил бла келеди джыр да.
- Кёб джат да, бек чаб.
- Хатерли къул болур.
- Хунаны тюбюн къазсанг, юсюнге ауар.
- Хантына кёре тузу, юйюне кёре къызы.
- Кимни – тили, тиши онглу, кимни – къолу, иши онглу.
- Аз сёлеш, кёб ишле.
- Ауузу аманнга «иги», деме.
- Джырчы джырчыгъа – къарнаш.
- Адам боллукъ, атламындан белгили болур.
- Ёзденликни джайгъан – джокълукъ.
- Тулпарлыкъ, билекден тюл – джюрекден.
- Суу кетер, таш къалыр.
- Адам туугъан джеринде, ит тойгъан джеринде.
- Ёлген эшек бёрюден къоркъмайды.
- Тёгюлген тюгел джыйылмайды.
- Ашына кёре табагъы, балына кёре къалагъы.