- Эшекни не къадар тюйсенг да, ат болмаз.
- Джашынгы кесинг юретмесенг, джашау юретир.
- Кёбден умут этиб, аздан къуру къалма.
- Нарт сёз къарт болмаз.
- Ашхылыкъ джерде джатмайды, аманлыкъ суугъа батмайды.
- Къыз чыгъаргъан – къызыл къымжа.
- Башсыз урчукъ тюзюне айланмаз.
- Аджашханны ызындагъы кёреди, джангылгъанны джанындагъы биледи.
- Джахил болса анасы, не билликди баласы?
- Ач къарным, тынч къулагъым.
- Махтаннган къыз, тойда джукълар.
- «Ёгюз, джаргъа джууукъ барма, меннге джюк боллукъса», - дегенди эшек.
- Эртде тургъан бла эртде юйленнген сокъуранмаз.
- Джарлы тюеге минсе да, ит къабар.
- Рысхы – насыбха къор.
- Эл ауузу – элия.
- Тёрени джагъы джокъ.
- Къууут – джелге, берне – бошха.
- Игилик игилик бла сингдирилиучю затды.
- Аурууну келиую тынч, кетиую – къыйын.
- Ачлыкъда тары гырджын халыуадан татлы.
- Чомартха хар кюн да байрамды.
- Ашхы атаны – джашы ашхы, ашхы ананы – къызы ашхы.
- Рысхы джалгъанды: келген да этер, кетген да этер.
- Ач къарынны, токъ билмез
- Акъыл сабырлыкъ берир.
- Ашда уялгъан – мухар, ишде уялгъан – хомух.
- Арпа, будай – ащды, алтын, кюмюш а – ташды.
- Аз сёлешген, къайгъысыз турур.
- Бойнуму джети джерден кессенг да, мен ол ишни этеллик тюлме.
- Билим къая тешер.
- Байлыкъ адамны сокъур этер.
- Намысы болмагъанны, сыйы болмаз.
- Эки итни арасына сюек атма, эки адамны арасында сёз чыгъарма.
- Окъуусуз билим – джокъ, билимсиз кюнюнг – джокъ.
- Борчунг бар эсе, хурджунунга ойлаб узал.
- Уллу сёзде уят джокъ.
- Ичимден чыкъды хата, къайры барайым сата?
- Сёлеш деб шай берген, тохта деб, сом берген.
- Ач бёрюге мекям джокъ.
- Окъугъан озар, окъумагъан тозар.
- Дуния малгъа сатылма, кесингден телиге къатылма.
- Сёз сёзню айтдырыр.
- Ауругъанны сау билмез, ач къарынны токъ билмез.
- Джаш болсун, къыз болсун, акъылы, саны тюз болсун.
- Гугурук къычырмаса да, тангны атары къалмаз.
- Чакъырылмагъан къонакъ къачан кетерин сормаз.
- Къарт болгъан джерде, берекет болур, сабий болгъан джерде, оюн болур.
- Тёзген – тёш ашар!
- Тойгъанлыкъ къойгъа джарашады.