Эльбрусоид :: Эльбрусоид

Бёрю да ач къалмасын, эчки да ашалмасын.
Шайтан алдады, тюзлюк къаргъады.
Эшекге миннген – биринчи айыб, андан джыгъылгъан – экинчи айыб.
Экиндини кеч къылсанг, чабыб джетер ашхам.
Кёлсюзден сёзсюз тууар.
Чоюнну башы ачыкъ болса, итге уят керекди.
Сакъламагъан затынга джолукъсанг, не бек къууанаса, не бек ачыйса.
Айранын берсенг, челегин да къызгъанма.
Бал чибинни ургъаны – ачы, балы – татлы.
Алма терегинден кери кетмез.
Киштикге къанат битсе, чыпчыкъ къалмаз эди.
Тамбла алтындан бюгюн багъыр ашхы.
Джумушакъ терекни къурт ашар.
Адамны сыфатына къарама, сёзюне къара.
Джигер – джаннга къыйынлыкъ.
Атадан ёксюз – бир ёксюз, анадан ёксюз – эки ёксюз.
Сууда джау джокъ, кёб сёзде магъана джокъ.
Тамырсыз терекге таянма – джыгъылырса.
Билмезни кёзю кёрмез, этмезни къулагъы эшитмез.
Эркиши – от, тиширыу – суу.
Таш ата билмеген, башына урур.
Азыкъ аз болса, эртде орун сал.
Аман къатын сабий табса, бий болур…
Джюрекден джюрекге джол барды.
Адамны аманы адамны бети бла ойнар.
Элни кючю – эмеген.
Тынгылагъан тынгы бузар.
Байдан умут эте, джарлыдан ёгюз багъасы къорады.
Эркишини аманы тиширыуну джылатыр.
Гырджын – тепсини тамадасы.
Иесиз малны бёрю ашар.
Итли къонакъ джарашмаз.
Дуния малгъа сатылма, кесингден телиге къатылма.
Ауругъан – джашаудан умутчу.
Айтханы чапыракъдан ётмеген.
Этни бети бла шорпасы.
Ишлегенде эринме, ишде чолакъ кёрюнме.
Ёгюзню мюйюзюнден тутадыла, адамны сёзюнден тутадыла.
Билген билмегенни юретген адетди.
Биреуню тёрюнден, кесинги эшик артынг игиди.
Акъыл неден да кючлюдю.
Ашхы тенг джолгъа салыр, аман тенг джолдан тайдырыр.
Уруну арты – къуру.
Ачыу алгъа келсе, акъыл артха къалады.
Ёксюзню тилеги къабыл болур.
Билмегенинги, билгеннге сор.
Чабар ат – джетген къыз.
Телиге от эт десенг, юйюнге от салыр.
Ата Джуртча джер болмаз, туугъан элча эл болмаз.
Джумушакъ сёз къаты таякъны сындырыр.