- Къолу уллу – асыу, аягъы уллу – джарсыу.
- Адамны аты башхача, акъылы да башхады.
- Ишге юренсин къоллары, халкъ бла болсун джоллары.
- Бал ашаргъа сюе эсенг, чибин ургъаннга тёз.
- Байны оноуу, джарлыгъа джарамаз.
- Кесинг сынамагъан затны, адамгъа буюрма.
- Сакъламагъан затынга джолукъсанг, не бек къууанаса, не бек ачыйса.
- Аман адам этегингден тутса, кес да къач.
- Адамны бетине къарама, адетине къара.
- Тил джюрекге джол ишлейди.
- Къобан да къуру да къобханлай турмайды, адам да къуру да патчахлай турмайды.
- Ач бёрюге мекям джокъ.
- Таш ата билмеген, башына урур.
- Ашарыкъда сайлагъаннга – чий гырджын.
- Къралынгы – душмандан, башынгы от бла суудан сакъла.
- Ариу – кёзге, акъыл – джюрекге.
- Джарлы джети элни сёзюн этер.
- «Ма», - дегенни билмесенг, «бер», - дегенни билмезсе.
- Джуртун къоругъан озар.
- Байлыкъ адамны сокъур этер.
- Къарнынг ауруса, ауузунгу тый
- Чакъырылмай келген къонакъ сыйланмай кетер.
- Кеси юйюмде мен да ханма.
- Ишленмеген джаш – джюгенсиз ат, ишленмеген къыз – тузсуз хант.
- Азыгъы аз, алгъа къабар, аты аман, алгъа чабар.
- Минг тенг да азды, бир джау да кёбдю.
- Джахил болса анасы, не билликди баласы?
- Элде адам къалмаса, ит тахтагъа минер.
- Баланы адам этген анады.
- Хунаны тюбюн къазсанг, юсюнге ауар.
- Орну джокъну – сыйы джокъ.
- Элиб деген, элге болушур.
- Аман эсирсе, юйюн ояр.
- Урунуу – насыбны анасы.
- Адамны джюреги нени кёрюрге сюйсе, кёзю да аны кёрюрге ёч болады.
- Аман къатын сабий табса, бий болур…
- Тюзлюк тас болмайды.
- Иги сёз – джаннга азыкъ, аман сёз башха – къазыкъ.
- Накъырданы арты керти болур.
- Айраннга суу къош, телиге джол бош.
- Шапа кёб болса, аш татымсыз болур.
- Аш хазыр болса, иш харам болур.
- Ёгюзню мюйюзюнден тутадыла, адамны сёзюнден тутадыла.
- Ашлыкъ – бюртюкден, джюн – тюкден.
- Джыйырма къойну юч джыйырма эбзе кюте эди.
- Бек ашыкъгъан меннге джетсин, дегенди аракъы.
- Суугъа – таянма, джаугъа – ийнанма.
- Сормай – алма, чакъырылмай – барма.
- Ойнай билмеген, оюн бузар.
- Чакъырылмагъан къонакъ тёрге атламаз.